VETITË E JASHTËZAKONSHME TË BARIT TË ELBIT

BARI I ELBIT është një ushqim shumë i pasur me nutrientë, me përfitime të shumta për shëndetin. Me një histori që daton nga Greqia e lashtë dhe Roma, Bari i Elbit është mjaft i pasur me vitamina, minerale dhe lëndë ushqyese të tjera të dobishme. Pavarësisht nëse konsumohet në formën e pluhurit ose si lëng, mund të sjellë lehtësim për një gamë të gjerë problemesh shëndetësore dhe t’ju ndihmojë të ndiheni më mirë se kurrë.

Lexoni më poshtë dhe zbuloni tetë përfitime të mahnitshme të Barit të Elbit. 

I pasur me antioksidantë

Sipas studimeve shkencore, Bari i Elbit përmban një numër të madh antioksidantësh të dobishëm, duke qenë në gjendje të sigurojë mbrojtje kundër stresit oksidativ. Mund të neutralizojë efektet e radikalëve të lira, duke zvogëluar kështu rrezikun e kancerit dhe rreziqeve të tjera për jetën. Ai përmban një nivel të lartë të superoksid dismutazës, i cili është një nga antioksidantët më të fuqishëm. Ndoshta nuk e dini, por ky Bar ju mbron nga procesi i plakjes, në saj të përmbajtjes së tij të pasur me antioksidantë.

Përmirëson shëndetin e zorrëve

Konsumi i Barit të Elbit përmirëson shëndetin e zorrëve, pasi ka një efekt stimulues në mikroflorë. Në fakt, Bari i Elbit rekomandohet fort për ata që vuajnë nga probleme gastrointestinale, siç është koliti ulçerativ. Ka një efekt të fuqishëm anti-inflamator dhe mund të funksionojë për të balancuar kimikatet e zorrëve, të cilat nga ana tjetër do të përmirësojnë gjendjen e kolitit. Bari i Elbit mund të ketë një efekt detoksifikues gjithashtu, duke na ndihmuar të eleminojmë toksinat e grumbulluara brenda traktit gastro-intestinal. Sipas studimeve, Bari i  Elbit rekomandohet të konsumohet si lëng (i tretur në ujë, lëngje frutash etj), duke pasur parasysh përmbajtjen e lartë ushqyese dhe aftësinë për të aktivizuar metabolizmin.

Armë kundër depresionit

Depresioni është një nga problemet më të zakonshme të shëndetit mendor, që prek miliona njerëz. Siç tregohet në një studim të botuar në Pharmacognosy Research, Bari i Elbit mund të përdoret për vetitë e tij antidepresive. Studimi vërtetoi se Bari i Elbit ka veti të të shkëlqyera ndaj stresit dhe depresionit.

Mbrojtje ndaj infeksioneve

Bari i Elbit mund të sigurojë mbrojtje ndaj llojeve të ndryshme të infeksioneve, duke pasur veti të fuqishme antimikrobiale. Shumë studime kanë konfirmuar aktivitetin antimikrobik të Barit të Elbit. Ky  super ushqim mund të sigurojë veçanërisht mbrojtje kundër infeksioneve bakteriale, duke forcuar sistemin imunitar në të njëjtën kohë.

Pastrimi i gjakut

Bari i Elbit është i pasur me klorofil, i cili është i njohur për vetitë e tij për pastrimin e gjakut. Studime të shumta kanë konfirmuar përmbajtjen e lartë të klorofil në Barin e Elbit.. Studimet kanë vlerësuar përdorimin e Barit të Elbit në formën e pluhurit. Gjithashtu, Bari i Elbit mund të stimulojë prodhimin e qelizave të kuqe të gjakut (eritrocitet), duke rritur furnizimin e tyre me oksigjen në të njëjtën kohë.

Burim kalciumi

Siç është përcaktuar tashmë nga studimet, Bari i Elbit është i pasur me klorofil. Por jo shumë njerëz e dinë që ushqimet që përmbajnë substanca të tilla përfaqësojnë një burim të shkëlqyeshëm të kalciumit. Konsumi i rregullt i këtij Bari ndihmon në forcimin e eshtrave dhe kërceve, si dhe parandalon shfaqjen e osteoporozës. Prandaj, Bari i  Elbit është një alternativë e shkëlqyer për të zëvendësuar qumështin dhe ushqime të tjera të pasura me kalcium.

Detox organizmi

Bari i Elbit mund të përdoret për pastrimin dhe detoksifikimin e trupit, duke marrë parasysh llojet e shumta të substancave të dobishme që ai përmban. Sipas një studimi të botuar në Gazetën Ndërkombëtare të Kërkimeve Amerikane në Shkencat Formale, të Aplikuara dhe Natyrore, Bari i Elbit njihet si një ushqim vital, duke u vlerësuar gjerësisht për përmbajtjen e tij në klorofil. Pra, e shihni, nëse po kërkoni të eliminoni toksinat nga trupi, një lëng jeshil i pastër mund të jetë ai që ju nevojitet.

Stabilizon presionin arterial

Presioni i lartë i gjakut është një nga ankesat më të zakonshme mjekësore në botën moderne. Siç tregohet në një studim të botuar në Gazetën e Kërkimeve të Bimëve Medicinale, pluhuri i Barit të Elbit mund të përdoret për të ulur dhe stabilizuar nivelet e presionit të gjakut. Sipas studimit, Bari i Elbit është i pasur me minerale të dobishme, të tilla si kalcium dhe kalium, si dhe me natrium të ulët, që e bën atë një zgjedhje perfekte për ata që vuajnë nga hipertensioni.

Si përfundim, këto janë disa nga përfitimet më të mahnitshme që Bari i Elbit ju ofron. Siç e keni parë, mund ta konsumoni si pluhur ose në formën e lëngut, të njëjtat avantazhe që rrjedhin gjatë procesit. Ky ushqim vital është i pasur me vitamina, minerale dhe antioksidantë, detoksikon organizmin, mbron ndaj kancerit dhe siguron shëndet optimal.

Për këto arsye, duhet ta konsideroni përfshirjen e Barit të Elbit në menunë tuaj ditore.

Kujdes: Që të blini Bar Elbi cilësor, shikoni që të jetë me paketimin origjinal të prodhuesit, me datë të qartë skadence dhe i Çertifikuar BIO-ORGANIK. Në këtë mënyrë jeni të sigurt që produkti përmban të gjitha vlerat ushqimore dhe nuk është i kontaminuar me kimikate.