Vetitë e Spirulinës: 10+ arsyet e provuara pse duhet përdorur ky Super-ushqim

Spirulina është një algë blu në jeshile, absolutisht e shëndetshme që rritet kryesisht në Hawai, dhe në disa vende të tjera ekzotike nëpër botë

Kjo algë e ujrave të thella është një nga më të kërkuara, së bashku me “kushërirën e saj” Chlorella; superfood-et më të kërkuara sot. E rritur nëpër botë nga Meksika në Afrikë, e në Hawai, spirulina është e njohur për shijen e saj të fortë, dhe më shumë për profilin e saj ushqyes.(1)

Ndërkohë që mund ta keni parë thjesht si një përbërës në super pijen tuaj, si suplement ushqimor natyral, përfitimet nga spirulina janë shumë të mëdha, sa që marrja e saj si bazë ditore do të ndihmonte kthimin dhe rivitalitetin e shëndetit tuaj. Deri më sot janë rreth 1700 artikuj shkencorë që po vlerësojnë përfitimet në shëndet të spirulinës.

Një biomasë e  cianobateries (alga blu-jeshile) që mund të konsumohet nga njerëzit dhe disa kafshë, janë dy specie: Arthrospira platensis dhe Arthrospira maxima. Arthrospira platensis dhe Arthrospira maxima janë të kultivuara kundo në botë dhe të dyja janë të përdorura si suplemente dietike (në formë tabletë, flakoni ose pudre), por edhe thjesht si ushqim- madje dhe ushqim  për kafshët dhe peshqit. (2)

10+ përfitimet e provuara të Spirulinës

Jo të gjithë mund të kenë akses në varietetet e Hawait, por fatmirësisht spirulina prodhohet dhe në vende të tjera. Rekomandohet marrja e spirulinës çdo ditë për arsyet e mëposhtëme.

1. Detoksikon trupin nga metalet e rënda (sidomos nga Arseniku)

Prekja e njerëzve nëpër botë nga toksikimi kronik nga arseniku është një problem shumë i madh. Sipas World Health Organization, SHBA është një nga vendet e prekura nga arseniku inorganik, i cili është i pranishëm në nivele shumë të larta.

Toksiciteti nga arseniku është një problem akoma dhe më i madh në Lindjen e Largët. Sipas shkencëtarëve në Bangladesh, “Miliona njerëz në Bangladesh, Indi, Taiwan, Kili janë duke konsumuar një përqëndrim shumë të lartë të arsenikut në ujë, dhe qindra nga ata tashmë kanë shfaqur helmim nga arseniku”.(3)

Ne fakt, mbi 3% e gjithë popullit të Bangladeshit kanë shfaqur shenja klinike te helmimit nga arseniku. (4)Duke qënë se shkencëtarët thonë që s’kanë një trajtim specifik për helmimin nga arseniku, ata kanë gjetur një alternativë siç është alga blu në jeshile

24 pacientëve të prekur nga helmimi kronik me arsenik u është dhënë ekstrakt spiruline (250 miligram), plus zink (2 miligram) 2 herë në ditë, ata e krahasuan rezultatin me 17 pacientë që morën placebo, dhe zbuluan se kombinimi spirulina-zink funksionoi. Së fundmi pjesëmarrësit patën një ulje me 47% te arsenikut ne trupin e tyre. Spirulina kundra arsenikut? Spirulina fiton! Bëje pjese e detoksit tënd.

2. Eleminon Candida-n

Sipas shkencëtarëve , “Candida i përket mikrobiotës të mukozës së zgavrës orale, të traktit gastrointestinal dhe të vaginës.(5) Cfarë do të thotë kjo? Pa mikroflorën natyrale të balancuar në trupin tonë, ne do të jemi të rrezikuar ndaj sëmundjeve.

Në fakt, sindroma e përshkueshmërisë së zorrëve dhe tretja jo e mirë lidhen drejtpërdrejt me mosbalancimin mikrofloreal. Candida është bërë shkaku kryesor për shumicën e sëmundjeve autoimune sot. (6)

Për shkak  të zhvendosjes sonë drejt një diete të pasur me sheqer dhe përbërës jonatyralë, rezistencës antimikrobike dhe barnave antifungalë joefektivë, vihet re një rritje e infeksioneve mykotike që nga viti 1980 deri tani.

Fatmirësisht spirulina mund të na ndihmojë. Disa studime në kafshë kanë treguar se është agjent antimikrobik efektiv, sidomos për Candida-n (7, 8, 9)

Sidomos, përdorimi i spirulinës ka treguar një rritje të florës bakteriale ne zorrë, që ndalon formimin e Candida-s. Forcimi i imunitetit nga spirulina do të ndihmojë trupin të eleminojë qelizat e Candida-s. (10) Spirulina kundër Candida-s? Spirulina fiton!

3. Përmirëson HIV/AIDS

Deri më tani, epidemiologjistët janë munduar të kuptojnë pse njerëzit në Japoni, Kore dhe Çad (Afrikë) kanë relativisht normë shumë të ulët HIV/AIDS. Një shpjegim i mundshëm i dalë në një studim të publikuar në Journal of Applied Phycology 2012, është: shkaku mund të jetë numri i madh i njerëzve që konsumojnë algat.

Kur shkencëtarët morrën nën studim 11 pacientë të cilët nuk kishin marrë asnjëherë antiretroviral, i ndanë pjesëmarrësit në 3 grupe, një grup të cilët do të konsumonin 5 gram alga deti kafe çdo ditë, një grup që duhet të merrinin 5 gram spirulinë dhe një grup që i kombinoi të dyja produktet. (11) Pas 3 muajsh periudhe prove , u zbuluan 2 rezultate kyçe:

1. Absolutisht nuk ka pasur efekte të padëshirueshme nga të dy llojet e algave dhe kombinimi i tyre.
2. Qelizat CD4  (Rruazat e bardha të gjakut T-ndihmëse që luftojnë infeksionet) dhe ngarkesat virale  HIV-1 (një tjetër biomarker i  HIV ) mbeten të qëndrueshme.

Rezultati ishte shumë premtues saqë një pjesëmarrës i cili doli vullnetar për të vazhduar studimin edhe 10 muaj të tjerë, pati benefite si “përmirësim sinifikativ klinik të qelizave CD4 dhe ulje të ngarkesës virale”. Spirulina meriton një vend në trajtimet natyrale kundra HIV.

4. Ndihmon në parandalimin e Kancerit

Sipas University of  Maryland  Medical Center, “Një numër studimesh në kafshë sygjerojnë se spirulina rrit prodhimin e antitrupave, proteinave mbrojtëse kundër infeksioneve, dhe qelizave të tjera që rrisin imunitetin dhe ndihmojnë në shmangien e infeksioneve dhe sëmundjeve kronike si kanceri (12)

Kjo nuk është suprizë pasi më shumë se 70 artikuj janë publikuar në literaturën shkencore, duke vlerësuar aftësinë e spirulinës në luftën ndaj qelizave kancerogjene. (13)

Në një artikull të publikuar Prillin e shkuar, shkencëtarët e Republikës Çeke vënë në dukje aftësinë që ka ajo për të kontrrolluar nivelin e kolesterolit në gjak, “Spirulina është gjithashtu e pasur në komponentë tetrapirrolik të lidhur ngushtë me molekulat e bilirubinës, një antioksidant i fuqishëm dhe agjent anti-proliferativ. (14)

Kur u testuanë qelizat pankreatike, këta shkencëtarë zbuluan se: “ Krahasuar me qelizat e patrajtuara, terapia eksperimentale uli në mënyrë të konsiderueshme proliferimin e linjës qelizore kanceroze të pankreasit in vitro. Kjo provon se konsumimi i spirulinës duket të jetë një trajtim potencial natyral kundra kancerit.

5. Ul Presionin e Gjakut

Phycocyanin është një pigment i gjendur tek spirulina  që shkencëtarët kanë zbuluar se ka efekte antihipertensive (ul presionin e gjakut). (15) Shkencëtarët Japonezë pretendojnë se për shkak të konsumimit të algave blu-jeshile, ndërron kah difunksioni endotelial ne sindromën metabolike.

Kjo është mjaft shpresëdhënëse, pasi sindromat metabolike po bëhen një nga shkaqet kryesore të sëmundjeve të parandalueshme sot, pasi rrisin rrezikun e zhvillimit të sëmundjeve të zemrës dhe diabetit(16)

6. Redukton Kolesterolin

Së bashku me përfitimet e tjera, spirulina ka treguar gjithashtu parandalim të aterosklerozës dhe reduktimin e niveleve të larta të kolesterolit.

Një studim i fundit mbi kafshët, i botuar në The Journal of Nutritional Science and Vitaminology  mori lepuj, i ushqeu ata me një dietë të lartë kolesteroli (HCD) që përmbante  0.5% kolesterol për 4 javë dhe më pas i ushqeu me spirulina 1% ose 5% për 8 javë.(17)

Pas përfundimit të testit 8 javor, nivelet e LDL-së u ulën me 26% në grupin që hëngrën 1%  spirulinë dhe 41% në grupin 5% spirulinë , gjë që nënkupton se sa më shumë që hani aq më shumë përfitime do të marrim! Trigliceridet dhe kolesteroli total u reduktuan në mënyrë të ndjeshme.

7. Zvogëlon Mundësinë e Ishemisë

Në studimin e mesipërm , shkencëtarët zbuluan gjithashtu suplementi i spirulines rriti sipërfaqen e brendshme te aortës nga 33% në 48%, që sygjeron parandalimin e aterosklerozës dhe sulmet në zemër. (18)

Është e rëndësishme të kujtohet se kjo provë u bë tek kafshët që hanin HCD, dhe theksojmë se konsumimi i rregullt i spirulinës mund të përmbysë disa nga dëmtimet e shkaktuara  nga një dietë e varfër. Duhet të keni parasysh përfitimet shëndetësore të zemrës që do të kenë individët me një dietë të balancuar! 

8. Rrit Energjinë

Kur shikon përbërjen kimike të spirulinës, nuk është çudi që njerëzit që e konsumojnë rregullisht kanë një rritje energjie. Dr. Mehmet Oz rekomandon kombinimin e 1 lugë çaji të pluhurit spirulina me 350 ml lëng lime (limon jeshil) dhe ngrirjen e përzierjes në kuba akulli, për të përmirësuar shëndetin.

Sipas  Dr. Oz, spirulina dhe lime nxisin performancën e energjisë sepse zbërthejnë sheqerin nga qelizat, dhe kur ngrijnë, i ftohti nga kubat e akullit i jep trupit një nxitje të energjisë metabolike dhe “një sinjal zgjimi.” (19)

Është e rëndësishme të theksohet se kjo nuk është studiuar në eksperimentet klinike, edhe pse ka shumë raporte anekdotike që spirulina mund të rrisë nivelet e energjisë.

9. Lehtëson problemet me Sinuset

E njohur si rhiniti alergjik,  vetitë e spirulinës i japin trupit një ulje të inflamacionit që shkakton tek njerëzit problemi i sinuseve.(20) Krahasuar me testet e Placebo , spirulina është efektive në zvogëlimin e kruajtjeve të hundës, rrjedhjen e hundëve, bllokimin e hundëve dhe teshtimat.

10. Ka veti neuroprotektive për çrregullimet e trurit dhe përforcimin e kujtesës

Në një studim të vitit 2012,një dietë e zgjatur me spirulinë që u testua te minjtë, siguroi mbrojtje nervore në një model α-synuclein të sëmundjes së Parkinsonit. Kjo nuk ndodh në një dietë të kontrrolluar. (21) Ne një studim të vitit 2015 , u ekzaminmuan në minj efektet e spirulinës në disfunksionet e memories, dëmtimet nga stresi oksidativ dhe aktivitetin e enzimave antioksidante. U zbulua se Spirulinaplatensis mund të  “parandalojë humbjen e kujtesës, ndoshta duke zvogëluar akumulimin e proteinave Aβ , duke zvogëluar dëmtimin oksidativ dhe duke rritur kryesisht aktivitetin e katalazës.” (22)

Ndërsa të dy studimet janë paraprake dhe përfshijnë kafshë, ato janë premtuese për pacientët që vuajnë me sëmundjen e Parkinsonit, sëmundje të tjera neurodegjenerative dhe probleme të kujtesës.

Historia e Spirulinës   

Meksikë                                                                           

Besohet se ka qenë një element kryesor për Aztekët, sipas historisë së shkruar nga konquistadorët që konfirmon se ëmbëlsirat me spirulinë shiteshin rregullisht që nga shekulli i 16. Një nga shpjegimet më të hollësishme që kemi nga kjo kohë vjen nga Cortez në librin “Pushtimi I Meksikës”.

Ata e gatuanin në formën ëmbëlsirave , të cilat më pas i shisnin në tregun Tenochtitlan. Ata i hanin këto  ëmbëlsira njëlloj si hamë ne tani djathin, por ajo ka më tepër një shije të kripur, e cila është e shijshme nëse shoqërohet chilmolli (një salcë e athët). Ata thonë se shumë zogj vinin në liqen për këtë ushqim, dhe shpesh në dimër disa pjesë të liqenit mbuloheshin me ta. (23)

Referuar “Tecuitlatl,” spirulina ishte burimi kryesor i proteinave për Aztekët për qindra vjet dhe Liqeni Texcoco mbetet ende nje burim i bollshëm i këtij Superfood-i.

Liqeni Çad (Chad)

E përmendur së pari nga Dangeard në 1940, historia na tregon se banorët e Afrikës Qëndrore, pranë Liqenit Chad kanë kultivuar spirulinën që kur filluan të banonin në atë rajon në shekullin e 9-të.  

Një artikull ë shkruar në vitin 1959, e thekson këtë ushqim interesant, megjithatë studiusit e ngatërruan me Chlorella-n. Megjithatë, në ekspeditën Belge në vitin 1969 shkencëtarët më në fund zbuluan vlerën e vërtetë të spirulinës.

Spirulina e Hawait Paqësor

Si një nga ushqimet më ushqyese dhe më të përqendruara të njohur për njerëzimin, Spirulina e Hawait Paqësor  ka më shumë vlera ushqyese se cdo spirulinë tjetër në treg. Psh. vetëm një gram i kësaj spiruline përmban:

• 60% proteina dhe një burim të shkëlqyer të vitaminave A, K1, K2, B12, si dhe hekur, mangan dhe krom
• Një burim i pasur i fitonutrientve shëndetësorë, të tilla si karotenoide, GLA, SOD dhe phycocyanin
• 2800% më shumë beta karoten se karotat
• 3900% më shumë hekur sesa spinaqi
• 600% më shumë proteina se tofu
• 280% më shumë antioksidantë se boronica

Spirulina vs Chlorella 

Për shkak se ato janë të dyja llojet e ngjashme të mikroalgave, është e lehtë të kuptohet se si shkencëtarët e kanë ngatërruar spirulinën me chlorella në vitet 1940. (24)                           
                                                                                                                                                                                              Edhe pse ato kanë dallime mes tyre, njerëzit zakonisht i ngatërrojnë me njëra tjetrën edhe sot. Më poshtë janë katër dallimet kryesore:

1. Forma

Së pari, Spirulina është një bimë në formë spirale, multi-qelizore pa bërthamë të vërtetë. Është blu në jeshile dhe mund të rritet deri në 100 herë më shumë se madhësia e Chlorellës. Duke i krahasuar,  Chlorella është një mikroorganizëm me një qelizë në formë sferike me një bërthamë dhe ngjyrë jeshile të fortë.   

2.  Si rriten?

Së dyti, kushtet e rritjes dallojnë shumë. Spirulina rritet më mirë në kushte të ulëta alkaline- vecanërisht, nëm liqene e ujë të freskët, pellgje dhe lumenj. Gjithashtu kërkon praninë e diellit dhe temperatura të moderuara.

Chlorella, nga ana tjetër, rritet ne ujë të freskët të rrethuar nga organizma të tjerë, gjë që e bënë të vështirë për tu mbledhur.

3. Përgatitja

Së treti, mënyra sesi të dyja mund të konsumohen janë të ndryshme. Për shkak të murit qelizor të fortë e të patretshëm, chlorella kërkon përpunim mekanik për ta bërë të vlefshme për konsum nga njerëzit. Përndryshe trupi nuk do jetë në gjendje ta tresë dhe të përthithë lëndët e saj ushqyese. 

Procesi mund të jetë mjaft i kushtueshëm, gjë që shpjegon pse chlorella është zakonisht më e shtrenjtë se spirulina. Nga ana tjetër, spirulina ka një mur qelizorë plotësisht të tretshëm dhe mund të konsumohet menjëherë

4. Vlerat ushqyese

Në fund, edhe pse të dyja konsiderohen Superfoods, spirulina dhe chlorella ndryshojnë në përmbajtjen e tyre ushqimore. Ndoshta me e shëndetshmja e të dyjave, spirulina, përmban më shumë aminoacide thelbësore, hekur, protein, vitamina B dhe C, D dhe E.

Megjithatë , chlorella ka një bollëk përfitimesh shëndetësore gjithashtu.

Vlerat ushqyese të Spirulinës
Arsyeja kryesore pse preferohet spirulina në vend të chlorella? Spirulina është ndoshta ushqimi më me lëndë ushqyese në planet. Kjo është arsyeja pse besohet se marrja e shtesave dietike spirulinë është thelbësore për shëndetin. Duke marrë  një mesatare të llojeve të ndryshme të spirulinës, vetëm një ounce (1ounce= 28.35gr) përmban përmbajtjen e mëposhtme ushqyese: (25)  

• Kalori: 81
• Proteina: 39 gram
• Fibra: 1 gram
• Sheqer: 0.9 gram

Yndyrna:

• Yndyrna totale : 3% e nevojës ditore
• Yndyrna të ngopura: 4% e nevojës ditore
• Acide yndyrore Omega-3: 230 miligram
• Acide yndyrore Omega-6: 351 miligram

Minerale:

• Bakër : 85% e nevojës ditore
• Hekur : 44 % e nevojës ditore
• Mangan: 27% e nevojës ditore
• Magnez: 14% e nevojës ditore
• Sodium: 12%  e nevojës ditore
• Kalium: 11%  e nevojës ditore
• Zink: 4%  e nevojës ditore
• Fosfor: 3% e nevojës ditore
• Kalcium: 3%  e nevojës ditore
• Selen: 3% e nevojës ditore

Vitamina:

• Riboflavin: 60% e nevojës ditore
• Thiamin: 44% e nevojës ditore
•  Niacin: 18%  e nevojës ditored
• Acid pantothenik: 10% e nevojës ditore
• Vitaminë K: 9 %  e nevojës ditore
• Vitaminë E: 7 % e nevojës ditore
• Foletë: 7 % e nevojës ditore
• Vitaminë B6: %  e nevojës ditore
•  Vitaminë C: 5 % e nevojës ditore
• Vitaminë A: 3 %  e nevojës ditore

Efektet e mundshme anësore të Spirulinës

Ka disa raporte të publikuara të raste pacientësh të cilët kanë pasur reaksione autoimune pas përdorimit të spirulinës. (26) Ekziston një teori se kjo mund të shkaktohet nga aktivizimi i një agjenti inflamator, TNF-alfa, i cili mund të jetë sinjifikativ në njerëzit e predispozuar ndaj sëmundjeve autoimune. Megjithatë, studime të tjera laboratorike dhe hulumtuese sugjerojnë se spirulina mund të shtypë këtë proteinë inflamatore, kështu që duhet të bëhen më shumë kërkime për të përcaktuar se kush mund të ndikojë. (27) Nëse keni një gjendje autoimune, është mirë të merrni këtë shtesë ushqimore nën mbikëqyrjen e mjekut tuaj. Është absolutisht e rëndësishme të siguroheni se cilësia dhe pastërtia e spirulinës që konsumoni është e standardeve më të larta. Veçanërisht, si çdo gjë që vjen nga deti, sigurohuni që të blini vetëm algat blu në jeshile që nuk janë të ndotura. Sipas WebMD, spirulina e kontaminuar (dhe e marrë nga burime të pasigurta)  mund të shkaktojë : (28)

• Dëmtime të mëlçisë
• Dhimbje stomaku
• Ndjenjë të vjelle (Nausea)
• Të vjella
• Dobësi
• Etje
• Rrahje të shpejtë të zemrës

Gjithashtu, disa burime sugjerojnë që gratë shtatzëna dhe fëmijët nuk duhet të konsumojnë algat. Kontaktoni mjekun tuaj për të konfirmuar nëse duhet të përdorni suplementin e spirulinës.

Përmbledhje

Spirulina, një algë blu në jeshile e rritur në disa nga vendet më të bukura në botë, është studiuar mirë për shumë përfitime të mundshme. Disa nga më të rëndësishmet janë:

1. Detoksikimi dhe heqja metaleve të rënda (sidomos arsenik)
2. Eliminon candida-n
3. Përmirëson HIV / AIDS
4. Ndihmon në parandalimin e kancerit
5. Zvogëlon presionin e gjakut
6. Redukton kolesterolin
7. Zvogëlon mundësinë e goditjeve ishemike
8. Ngre energjinë
9. Ndihmon në problemet me sinuset
10. Ka aftësi neuroprotektive në rastet ev çrregullimeve të trurit dhe kujtesës

 Kjo algë ka një histori të pasur. Është gjithashtu ngatërruar ndonjëherë me chlorella, edhe pse ato kanë dallime. Spirulina mund të shkaktojë reaksione autoimune në pacientë me sëmundje autoimmune. Gjithashtu nuk rekomandohet për gratë shtatzëna ose fëmijët.

Jini të kujdesshëm kur blini spirulinën, pasi mund të helmoheni nëse nuk blihet nga një burim i kualitetit të lartë, duke sjellë efekte anësore të spirulinës. Sigurohuni që të jetë nga prodhues të sigurtë, e paketuar, dhe e çertifikuar.