7 vajrat esencialë më të mirë për flokët

Kur është fjala për përdorimin e vajrave esenciale për flokë, ka shumë zgjedhje të dobishme. Nëse jeni duke kërkuar të zbusni flokët tuaj, trajtoni zbokthin dhe lëkurën e kokës të thatë, ti jepni fortësinë e duhur flokëve dhe ndriçoni flokët tuaj natyrshëm, vajrat esencialë janë shumë më të sigurta dhe po aq efektive sa produktet konvencionale të kujdesit të flokëve.

Ata janë gjithashtu më kosto të ulët – një shishe e vajit tuaj të preferuar esencial nuk mund të ushqejë vetëm flokët tuaj, por mund të ndihmojë në zvogëlimin e stresit, në lehtësimin e dhimbjeve dhe në luftimin einfeksioneve të lëkurës gjithashtu. Plus, vajrat esencialë janë të gjitha natyralë, që do të thotë se ato nuk janë kimikate të rrezikshme dhe janë më të mira për mjedisin dhe shtëpinë tuaj.

7 vajrat esencialë më të mirë për flokët

1. Livando

   Studimet kanë treguar se vaji i livandos poseidon efekte nxitëse të rritjes së flokëve. Në një studim i bërë tek kafshët në vitin 2016, aplikimi nga jashtë i vajit të livandos rriti ndjeshëm numrin e folikulave të flokëve tek minjtë femra. Vaji i livandos bën të mundur gjithashtu thellimin e thellësise se folikulave të flokëve dhe trashjen e shtresës termike. (1)

   Vaj Livandos ka veti antimikrobike dhe mund të përdoret për të luftuar çrregullimet bakteriale dhe kërpudhat. Disa përfitime të tjera të vajit të livandos janë aftësia e tij për të zbutur kokën dhe për të shëruar lëkurën dhe flokët e thatë. Duke qënë se stresi emocional është një faktor që mund të kontribuojë në rënien e flokëve, vaji i livandos mund të përdoret për të krijuar një mjedis të qetë dhe pa stres.

2. Rozmarina

   Vaji i rozmarinës është një nga vajrat kryesorë esencialë për trashjen dhe rritjen e flokëve. Përdoret për të rritur metabolizmin qelizor, i cili stimulon rritjen e flokëve dhe promovon shërimin. Hulumtimet madje tregojnë se vaji i rozmarinës vepron dhe si minoxidili, një trajtim tradicional kundër rënies së flokëve. (2) Kur bëhet fjalë për shëndetin e flokëve, përfitimet e vajit të rozmarinës përfshijnë parandalimin e rënies së flokëve, ngadalësimin e procesit të daljes së thinjave dhe trajtimin e zbokthit dhe kokës së thatë.

   Për të përdorur vajin e rozmarinës për flokët tuaj, merrni 3-5 pika dhe përziejeni me vajin e ullirit dhe më pas masazhoni përzierjen në kokën tuaj për rreth dy minuta. Lëreni në flokët tuaj për 3 deri në 4 orë dhe pastaj lani flokët si zakonisht.

3. Kamomili

   Vaj kamomilIt është një vaj esencial i mrekullueshëm për flokët, sepse shton shkëlqimin dhe butësinë e flokëve ndërsa zbut lëkurën tuaj të kokës.

   A e dini se vaji esencial i kamomilit mund të përdoret për ti dhënë dritë flokëve tuaj në mënyrë natyrale? Miksoni 5 pika vaj esencial të kamomilit me një lugë gjelle kripë deti dhe 5 lugë gjelle sode buke. Përdorni ujë të ngrohtë për të krijuar një pastë dhe aplikoni përzierjen në flokët tuaj. Masazhoni atë në skalp dhe në bazën e flokëve tuaj, mbajeni për rreth gjysmë ore dhe më pas e shpëlani.
   Hulumtimet tregojnë që 50 për qind e grave lyejnë flokët e tyre rregullisht dhe dhe ndjehen më tërheqëse menjëherë pasi kanë lyer flokët e tyre, por produktet konvencionale të flokëve që përdoren për të lyer flokët përmbajnë kimikate të rrezikshme që mund të shkaktojnë rreziqe të shumta shëndetësore. Zgjedhja e produkteve natyrale do të sigurojë që ju nuk jeni duke u ekspozuar ndaj produkteve jo të shëndetshme të ngjyrosjes së flokëve si peroksid hidrogjeni. (3)

4. Kedri

   Vaji esencial i Kedrit përdoret për të stimuluar folikulat e flokëve duke rritur qarkullimin e gjakut në lëkurën e kokës. Ajo nxit rritjen e flokëve dhe ngadalëson rënien e tyre; ajo gjithashtu mund të trajtojë flokë të hollë dhe lloje të ndryshme të alopecisë.

   Një studim i kryer në Skoci përfshinte 86 pacientë të cilët u ndanë në dy grupe – një grup masazhoi një kombinim të vajrave të kedrit, trumzës, rozmarinës dhe livandos të miksuar me vajrja mbajtës si vaji i jojoba dhe farave të rrushit në skalp çdo ditë. Grupi tjetër përdori vetëm vajra mbajtës çdo ditë. Pas 7 muajsh, 44 për qind e pacientëve në grupin e vajit esencial treguan përmirësim të simptomave të alopecisë, ndërsa vetëm 15 për qind e grupit tjetër treguan përmirësime. (4)                                                                                        Vaj esencial i Kedrit gjithashtu mund të ndihmojë për të eleminuar acarimin e lëkurës dhe sprapsin insektet, gjë që mund të jetë e dobishme në netët e verës, kur ju jeni duke kaluar kohë jashtë.

   Vaji esencial i Kedrit përdoret në mënyrë të jashtme në kokë dhe flokë. Përzihet mirë me vajra të butë si livando dhe vajra mbajtës si vaji i kokosit ose jojobas. Ju gjithashtu mund të shtoni 2-3 pika të vajit esencial të Kedrit në kondicionerin e shtëpisë tuaj.

5. Sherebela

   Një komponent i rëndësishëm në vajin esencial të sherebelës të quajtur “linalyl acetate” zvogëlon inflamacionin e lëkurës dhe rregullon prodhimin e yndyrës në lëkurë. Vaji esencial i sherebelës gjithashtu vepron si një suplement natyral për skuqjen dhe funksionon si një agjent antibakterial. Por më e rëndësishmja, vaji esencial i sherebelës përdoret për t’ju ndihmuar të lehtësoni stresin dhe të balanconi hormonet. Tre lloje të humbjes së flokëve mund të shoqërohen me nivele të larta të stresit: efluenza telogen, trichotillomania (tërheqja e flokëve) dhe alopecia areata. Për shkak se vaji esencial i sherebelës mund të përdoret për të ndihmuar në uljen e nivelit të stresit dhe për të zvogëluar nivelin e kortizolit në trup, vepron si një suplement natyral për rënien e flokëve të shkaktuara nga stresi. (5)

   Vaji esencial i sherebelës vepron mirë me vajin e jojobas; të dyja mund të ndihmojnë në rregullimin e prodhimit të yndyrës në lëkurë. Për të lehtësuar stresin, i cili është i lidhur me rënien e flokëve, ju mund të shpërndani vajin e sherebelës në shtëpi ose të aplikoni disa pika në kyçet ose në shputat e këmbëve tuaja.

6. Lemongrass

   Vaj esencial Lemongrass ka vetitë shëruese, dhe funksionon si një pastrues efektiv dhe deodorant. Ai forcon folikulat tuaja të flokëve dhe qetëson irritimet e skalpit. Në fakt, një studim i vitit 2015 zbuloi se aplikimi i vajit të lemongrass redukton zbokthin në mënyrë të konsiderueshme pas shtatë ditëve dhe e rriti efektin edhe më shumë pas 14 ditësh aplikimi. (6)

   Disa përfitime të tjera të vajit Lemongrass përfshijnë aftësinë e tij për të punuar si një parandalues natyror të insekteve, lehtësimin e stresit (e cila është e lidhur me rënien e flokëve) dhe trajtimin e dhimbjes së kokës.

   Ju mund të shtoni 10 pika vaji esencial lemongrass në shampo ose kondicioner, ose mund të masazhoni 2-3 pika në kokë së bashku me balsamin tuaj çdo ditë. Vaji esencial i Lemongrass gjithashtu mund të shpërndahet në shtëpi për të reduktuar stresin dhe për të pastruar ambjentin.

7. Mente

   Vaj esencial i mentes ndihmon për të stimuluar lëkurën e kokës dhe trajtuar zbokthin, madje edhe parazitët, për shkak të vetive të fuqishme antiseptike. Hulumtimet tregojnë se vaji i mentes stimulon rritjen e flokëve. Në një studim i bërë tek kafshët në 2014, aplikimi i jashtëm i vajit esencial të mentes për katër javë dha efekte të dukshme të rritjes së flokëve, duke rritur trashësinë e lëkurës, numrin dhe thellësinë e folikulave. (7)

   Vaji esencial i mentest ka një ndjesi të këndshme ftohëse kur zbatohet në mënyrë të jashtme, dhe ndihmon për të ulur inflamacionin e lëkurës. Përveç këtyre përdorimeve , ajo gjithashtu funksionon për të aktivizuar mendjen tuaj, për të rritur gjendjen e humorit tuaj dhe për të lehtësuar tensionin ose dhimbjen e kokës.

   Shto 2-3 pika të vajit esencial të mentes në shampon ose balsamin tuaj për një zgjim dhe gjallërim të shpejtë gjatë dushit të mëngjesit.

5 Përfitimet e vajrave esencialë për flokët

  1. Stimulojnë rritjen e flokëve

Është bërë e zakonshme për personat që kanë rënie të flokëve të kthehen në kirurgjinë e zëvendësimit të flokëve dhe produktet e rënies së tyre me shpresën për të rifituar flokët e humbur, por mbrojtja juaj e parë gjatë luftës kundër rënies së flokëve duhet ti adresohet shkakut kryesor që çon në rënien e flokut.

Gjëja e mahnitshme për vajrat esenciale është se disa pika mund të bëjnë të gjitha këto gjëra për ju.  

Ju nuk duhet të përdorni produkte që përmbajnë kimikate për të stimuluar rritjen e flokëve, vajra të domosdoshme si rozmarinë dhe cedri  mund të përdoren në mënyrë jashtme për t’ju ndihmuar të parandaloni rënien e flokëve.

2. Eleminojnë zbokthin

   Një tjetër shqetësim i përbashkët është se si ti shpëtojmë zbokthit, një çrregullim të lëkurës që prek 50 për qind të popullsisë botërore. Zbokthi shkaktohet nga grumbullimi i lëkurës së vdekur dhe në raste më të rënda, një tip mikroorganizmi e përkeqëson atë.(8) Mund të shkaktohet edhe nga produktet e kujdesit të flokëve që përmbajnë përbërës kimikë .
   Vetitë shëruese dhe hidratuese të vajrave esenciale si livando dhe lemongrass do t’ju ndihmojnë për të luftuar zbokthin natyrishëm – lehtësimin e problemeve të zakonshme të kujdesit të flokëve si skalpi i thatë dhe me ndjesi kruarje.

3. Ushqen flokët tuaj

   Njerëzit kanë tendencë të shpenzojnë shumë para për produktet e kujdesit të flokëve që përdoren për ti dhënë flokët e tyre shkëlqim, butësi dhe shtrirje. Për fat të keq, shumë nga këto produkte po bëjnë më shumë dëm sesa dobi.

Trajtimi me keratinë, për shembull, përmban përbërës toksikë si formaldehidi, i cili njihet si kancerogjen i njeriut. (9)

Në vend që ti kthehemi këtyre metodave konvencionale, përdorimi i vajrave esencialë do ti bëjë flokët tuaj më të fortë dhe më të shëndetshëm dhe më e rëndësishmja pa efekte anësore. Vetitë hidratuese, qetësuese, anti-inflamatore dhe antiseptike të vajrave esenciale veprojnë për të ushqyer flokët tuaj në mënyrë natyrale.

4. Parandalon yndyrosjen e flokëve

   Gjëndrat tuaja dhjamore janë përgjegjëse për mbajtjen në niveleve të duhur të hidratimit përmes sebumit ose yndyrës që prodhojnë. Kjo është ajo që i jep flokëve një shkëlqim të shëndetshëm, por kur gjëndrat tuaja prodhojnë më shumë yndyrë, mund të bëjë që flokët tuaj të duken të yndyrshëm, madje edhe kur ju i lani atë mëngjes. Disa vajra esencialë, si ai i mentes, mund t’ju ndihmojnë për të kontrolluar prodhimin e sebumit, duke i lënë flokët tuaj pa yndyrë dhe me shkëlqim.

5. Ul nivelin e stresit dhe balancon hormonet

   Hulumtimet tregojnë se stresi është i lidhur me rënien e flokëve dhe kështu vepron dhe çrregullimi hormonal. Stresi shkakton inflamacion dhe rënie të flokëve para kohe.(10) Mund të duket shumë e lehtë, por thjesht përhapja e vajrave esencialë qetësues dhe lehtësues të stresit si livando dhe sherebela në shtëpi, mund të ndihmojnë në parandalimin e rënies së flokëve në mënyrë natyrale.

Si të përdorni vajrat esencialë për flokët dhe receta për ti bërë vetë

Të gjitha këto vajra esencialë për flokët janë të lehta për tu gjetur në internet ose në dyqan. Është shumë e rëndësishme që të blini vetëm vajra esenciale që janë 100 përqind të pastër, mundësisht të ÇERTIFIKUAR ORGANIKË (BIO), sidomos kur jeni duke konsumuar vajin ose duke aplikuar atë në mënyrë të jashtme. Është gjithashtu një ide e mirë për të bërë një test patch (test që bëhet duke hedhur vajin në pjesën e shpinës për të parë nëse bën alergji apo jo) me ndonjë vaj esencial që po përdorni për herë të parë.

Për shkak se vajrat esencialë janë aq të fuqishmëm, ato duhet të jenë të holluara me një vaj mbajtës para aplikimit të ditës.

Disa vajra të dobishme mbajtës për  flokët përfshijnë:

Vaji i Arrës së Kokosit – Vaj kokosit përmban acide yndyrore të mesme, duke përfshirë acid laurik dhe acid kaprik, që kanë veti të forta antivirale, antimikrobike dhe antifungale. Këto veti ndihmojnë për të pastruar tërësisht flokët dhe lëkurën e kokës, duke ndihmuar kështu parandalimin dhe trajtimin e problemeve si zbokthi.

Vaji  Jojoba – Vaji Jojoba stimulon rritjen e flokëve dhe hidraton kokën. Ai punon si një zbutës, qetëson lëkurën dhe zhbllokon folikulat e flokëve.

Vaj ulliri – Vaji i  ullirit  është një burim i vitaminës E dhe antioksidantë të tjerë. Disa përfitime të vajit të ullirit përfshijnë aftësinë e tij për të hidratuar dhe zbutur lëkurën, duke punuar për të larguar lëkurën e thatë dhe zbokthin.

Ju thjesht mund të kombinoni vajrat tuaja esencialë për flokët me një vaj mbajtës sipas dëshirës dhe përzierjen aplikojeni në kokën tuaj. Ju gjithashtu mund të shtoni vajra esencialë në shampon ose kondicionerin tuaj të përditshëm. Nëse jeni duke kërkuar për të trajtuar një çështje më specifike, këtu janë disa receta  që do të ndihmojnë gjithashtu për të rritur shëndetin e flokëve tuaj.

Trashjen e flokëve: Për të ndihmuar të trashni flokët në mënyrë të natyrale, përdorni një kombinim të vajrave esenciale të rozmarisë, të cedrit dhe sherebelës. Këto vajra do të stimulojnë folikulat tuaja të flokëve duke rritur qarkullimin në kokë dhe duke balancuar hormonet tuaja. (Recetën e shikoni më poshtë)

Stilimin e flokëve: Ju dëshironi të shmangni përdorimin e produkteve konvencionale të flokëve, sepse shumë produkte konvencionale në treg sot përfshijnë toksina që ju nuk i doni  në kokë dhe fytyrën tuaj. Për të ndihmuar në stilimin e flokëve tuaj, përdorni llak flokësh të bërë në shtëpi me vaj esencial livando dhe rozmarine, shtojini vodka dhe kallam sheqeri, dhe do të keni stilimin që ju dëshironi. (Recetën e shikoni më poshtë)

Parandalimi i yndyrës ne flokë: Shtoni 2-3 pika nga vaji esencial i mentes në balsamin tuaj për të hequr qafe flokët e yndyrshëm.

Shtoni shkëlqim: Përdorimi i maskve të ndryshme për të trajtuar flokët tuaj të paktën një herë në javë mund të ndihmojë të kujdeseni për flokët e padisiplinuar, të hidratoni lëkurën e kokës dhe të shtoni shkëlqimin. (Recetën e shikoni më poshtë)

Jepuni dritë flokut tuaj : Shtoni 2-3 pika të vajit esencial të kamomilit në flokë para se të dilni në diell.

RECETA:

 – Për trashje floku

Koha e përgatitjes: 10 minuta

Sasia: 8 – 10 aplikime

Përbërësit:

• 15 ml jojoba oil
• 45 ml vaj i farave të rrushit
• 30 pika vaj esencial i pastër i kedrit
• 30 pika vaj esencial i pastër rozmarine
• 30 pika vaj esencial i pastër sherebele

Përdorimi:

• Vendosni në një vazo vajin e jojoba dhe të farave të rrushit. Shtoni vajrat esencialë të kedrit, rozmarinës dhe sherebelës.
• Përziejini mirë
• Aplikojeni në flokë dhe masazhojeni skalpin dhe flokun, të thatë apo të lagjur një herë në ditë ose 3 herë në javë.
• Lëreni në flokë për të paktën 20 minuta (ose sa më gjatë të mundeni); ose aplikojeni para gjumit, deri në mëngjes. Mund të përdorni një peshqir për të lidhur flokët që të mos bëni  jastëkun me njolla. Më pas, lajeni flokun normalisht me shampo.

– Spray për flokët

Koha e përgatitjes: 15 minuta

Sasia: 30 aplikime

Përbërësit:

• 250 ml ujë i pastër
• 2 lugë gjelle sheqer kallamsheqeri
• 1 lugë gjelle vodka
• 10 pika vaj esencial i pastër livandoje
• 10 pika vaj esencial i pastër rozmarine
• Shishe plastike apo qelqi me sprucator

Përdorimi:

• Zjeni ujin.
• Tretni sheqerin në ujë.
• Shtoni vodkën dhe përziejeni.
• Lëreni përzierjen të ftohet dhe shtoni vajrat esencialë.
• Përziejini mirë.
• Hidheni përzierjen në një shishe me sprucator. Përziejeni mirë para përdorimit.

– Maskë flokësh

Koha e përgatitjes: 15 minuta

Sasia: 1 aplikim (dyfishoni sasinë e recetës për flokë shumë të gjatë)

PËRBËRËSIT:

• 2 lugë gjelle vaj kokosi (opsionale: 1 lugë gjelle vaj ulliri dhe një lugë gjelle vaj kokosi)
• ½ avokado e pjekur mirë
• 2 vezë
• 1 lugë gjelle mjaltë
• 5–10 pika vaj esencial i pastër rozmarine
• 5–10 pika vaj esencial i pastër livandoje

Përgatitja:

• Hidhni vajin e kokosit dhe avokadon në blender. (për flokë kaçurrela mund të përdorni dhe dhe vaj ulliri)
• Shtoni vezët dhe mjaltin dhe përziejini.
• Shtoni vajrat esencialë të rozmarinës dhe livandos dhe përziejini.
• Aplikojeni në flokë në të gjithë gjatësinë e tij dhe mbështillini me peshqir, sidomos majat e flokut.
•  Lëreni maskën të veprojë për rreth 45 – 60 min.
• Lajeni më pas flokun normalisht me shampon dhe balsamin tuaj.
• Për rezultate më të mira, përdoreni maskën të paktën një herë në javë.