SI TË NDALOJMË RËNIEN E FLOKËVE?

Rënia e flokëve është një nga problemet që ndeshen më shpesh në të gjithë botën dhe prek rreth një të tretën e njerëzve. Duhet të dimë që rënia e flokëve është një fenomen natyral i zakonshëm, dhe nuk duhet të shqetësohemi nëse humbim pak flokë. Është totalisht normale nëse na bien rreth 100 fije floku çdo ditë. Shumë njerëz përpiqen të ndalojnë rënien e flokëve, por ka pak zgjidhje efektive për këtë problem.

Ne kemi përgatitur disa këshilla si të ndalojmë rënien e flokëve me ndihmën e natyrës.

NGA SE SHKAKTOHET RËNIA E FLOKËVE TE MESHKUJT DHE FEMRAT?

Ka shumë shkaqe të rënies së flokëve, të cilat e bëjnë një sfidë të vështirë gjetjen e shkakut real nga një person në tjetër. Në pjesën më të madhe të rasteve, humbja e flokëve nuk lidhet me ndonjë sëmundje të brendshme apo sistemike; gjithashtu dhe një dietë e keqe nuk është një faktor i zakonshëm. Dobësimi i flokëve është shpesh rezultat i faktorëve gjenetikë predominantë dhe procesit të plakjes. Shumë persona, si femra dhe meshkuj, vënë re një dobësim të lehtë të flokëve në moshën 30-40 vjeç. Shqetësimet e ndryshme, përfshirë sëmundjet, traumat emocionale dhe ndryshimet hormonale si shtatzania, puberteti ose menopauza, mund të shkaktojnë rënie të flokëve; po ashtu, humbje të flokëve shkaktojnë dhe problemet me tiroidet, mungesa e hekurit (anemia) dhe sifilizi sekondar. Nëse ju vini re shtim të rënies së flokut, apo shikoni që floku ju bie “me grushta”, e cila nuk është normale, duhet të bëni një vizitë mjekësore për të gjetur shkakun.

Problemi më i zakonshëm i rënies së flokëve që lidhet me dietën ushqimore është mungesa e zinkut dhe hekurit. Mungesa e këtyre mineraleve i bën më të dobët flokët dhe shkakton rënien e tyre. Gjithashtu, dhe thonjtë bëhen më të dobët. Megjithatë, shumë studime mjekësore kanë treguar se rënia e flokëve mund të ndodhë dhe për shkak të mungesës së vitaminave dhe nutrientëve, si: Biotina, Vitamina C, yndyrnat, Vitamina D, Vitamina B-12, Vitamina A, Bakri, Seleni.

Arsyet më të zakonshme që shkaktojnë probleme me rënien e flokëve, rritjen e tyre dhe daljen e flokëve të rinj, lidhen kryesisht me disa faktorë:

• Mosha (shkaku më i zakonshëm)
• Gjenetika
• Çrregullimet hormonale
• Stinët
• Mungesa e nutrientëve (ndryshimi i dietës ushqimore, dietat për dobësim etj)
• Stili i jetës i pashëndetshëm
• Stresi
• Sëmundjet e lëkurës (ndonjëherë si rezultat i mykut (mykozës)

SI TË PARANDALOJMË RËNIEN E FLOKËVE?

Jo të gjithë njerëzit kanë flokë të shëndetshëm. Shumë prej tyre përballen me probleme të rënies së flokëve ose mos rritjes së tyre. Deri diku, është normale të kemi me tepër probleme të rënies së flokëve gjatë ndërrimit të stinëve, në pranverë dhe vjeshtë. Nuk ka nevojë për trajtime shumë të shtrenjta ose mbjellje floku për të luftuar rënien e flokëve, pasi mund të sigurojmë trajtime efikase dhe në mënyrë natyrale.

KUJDESI PËR FLOKËT TUAJ!

Në treg gjenden shumë lloje shamposh apo balsamesh që reklamojnë ndërprerje të menjëhershme të rënies së flokëve apo rritje të tij. Por këto produkte janë të mbushura me kimikate që dëmtojnë më tepër flokët tuaj. Lexoni me kujdes etiketën para se ta blini: NUK DUHET TË PËRMBAJNË elementë kimikë si: SLS (sodium laureth sulphate), paraben, silikon, ngjyrues, parfum sintetik, PEG, derivate hidrokarburesh, viskozantë sintetikë, Vajra Mineralë, DEA, dhe të jenë të çertifikuara Bio-Organikë.

Megjithatë, kujdesi i zakonshëm me shampo dhe balsam nuk është gjithmonë i mjaftueshëm. Flokët e thatë dhe të dëmtuar kërkojnë kujdes shtesë, i cili mund të jepet në mënyrë natyrale, pa vizita të shtrenjta në sallonet e bukurisë.

Një nga trajtimet më efikase është përdorimi i vajit të kokosit ose gjalpit të kakaos, të cilët përveç acideve yndyrore të ngopura, përmbajnë dhe vitamina dhe minerale që ushqejnë flokun dhe e bëjnë më të shëndetshëm. Ky kujdes shtesë, mund të përdoret në shumë mënyra. Më poshtë po ju japim disa këshilla për të ndaluar rënien e flokëve por dhe për rritjen e tyre:

Maskë flokësh: Aplikoni në flokë vaj kokosi ose gjalp kakao të shkrirë (gjalpi i kakaos ngurtësohet në 25°C, dhe nuk duhet lënë të ngurtësohet në flokë). Lëreni maskën për 20-30 minuta dhe lani flokët me shampon tuaj të preferuar.

Balsam flokësh: Pasi të keni larë flokët me shampo, aplikoni gjalpin e kakaos të shkrirë , masazhojeni për 2-3 minuta, dhe lani flokët me ujë të ngrohtë.

Vaj flokësh: Vaji i kokosit përmban kryesisht acide yndyrore me zinxhir të mesëm, të cilët depërtojnë në thellësi të flokut dhe e ushqejnë atë. Aplikojeni me gishta në majat e flokëve të thata ose të dëmtuara.

Masazhi i skalpit është një nga mënyrat më të mira për të stimuluar rritjen e flokëve.  Për masazh, ngrohni 2 lugë gjelle vaj kokosi në mikrovalë, shtoni 3-4 pika vaj esencial rozmarine dhe aplikojini në flokë dhe skalp duke i masazhuar për rreth 5 minuta. Më pas, mblidhini flokët me një peshqir të lagur me ujë të ngrohtë dhe mbajini për 10 min.  Lani flokët duke i krehur. Nëse e përsërisni këtë trajtim të paktën një hërë në javë, floku juaj do të bëhet i butë, me shkëlqim, dhe do të rritet më shpejt.

DIETË E SHËNDETSHME DHE HIDRATIM I MJAFTUESHËM

Të gjithë e dimë që një dietë e shëndetshme ndikon në paraqitjen e lëkurës sonë, dhe nuk është suprizë që ndikon dhe te flokët. Nëse dëshironi që flokët të rriten më shpejtë, na nevojiten më tepër proteina (peshk, vezë, fruta të thata). Disa vitamina janë shumë të rëndësishme për shëndetin e flokëve- vitaminat A, B, C, E si dhe hekuri, pasi ndikojnë direkt në rritjen dhe shëndetin e flokëve.

Uji është i rëndësishëm për funksionimin e flokëve dhe organizmit në tërësi. Çdo personi, i nevojitet 1 litër ujë në ditë për çdo 25 kg peshë trupore, ose dhe më tepër nëse keni aktivitet të shtuar fizik, ose punoni në ambiente të nxehta.

USHQENI FLOKËT SË BRENDSHMI

Flokët e bukur janë flokët e ushqyer. Nëse doni flokë me shkëlqim, ju nevojitet që të shtoni në dietën tuaj vitamina dhe minerale, veçanërisht vitaminën B. Një nga “përbërësit” më të rëndësishëm të flokëve është proteina e kolagjenit. Kolagjeni forcon flokët dhe i bën më elastikë. Pas moshës 20 vjeçare, sinteza e kolagjenit në trup fillon të pakësohet, prandaj rekomandohet të merret suplement kolagjeni pluhur.

Veçanërisht në muaj e verës, faktorët e jashtëm si dielli, uji i detit dhe pishinës, etj, ndikojnë në përkeqësimin e flokëve. Prandaj është e domosdoshme për të marrë më tepër vitamina dhe minerale, për të reduktuar rënien e flokëve dhe stimuluar rritjen e tyre. Trajtojini flokët me MSM, i quajtur minerali i bukurisë. MSM është një formë natyrale e sulfurit organik. Duke qenë se ushqimet që konsumojmë janë të procesuara, ne nuk e marrim mjaftueshëm këtë mineral, dhe sugjerohet ta marrim si shtesë ushqimore. Konsumimi i MSM bashkë me vitaminën C, favorizon përthithjen maksimale nga trupi.

VITAMINA C ËSHTË VITALE PËR SHËNDETIN E FLOKËVE

Vitamina C është shumë e rëndësishme për shëndetin e flokëve. Ajo ndihmon në prodhimin e kolagjenit, dhe si e tillë, është e domosdoshme për shëndetin e flokëve. Vitamina C vepron si antioksidant dhe parandalon rënien e flokëve. Ju mund të merrni vitaminë C nga agrumet, specat jeshilë, majdanozi, moringa, etj. Ose mund të konsumoni Vitaminë C pluhur, për një përthithje më të mirë, por e rëndësishme është të jetë me prejardhje tërësisht bimore. Sasia e rekomanduar e vitaminës C varion nga 1000 deri në 3000 mg në ditë.

VITAMINA NATYRALE PËR FLOKË MË TË FORTË, TË TRASHË DHE ME SHKËLQIM

HAIR VITAMINS është një produkt tërësisht natyral që ka përbërësit më të rëndësishëm për flokë të bukur dhe të shëndetshëm. Alternativa më e mirë kundër rënies së flokut është Biotina, e cila është pjesë e vitaminave B-Kompleks, dhe quhet ndryshe B8. Është mikronutrienti më i rëndësishëm për shëndetin e flokëve. Kolagjeni është një proteinë  që i jep flokut elasticitet, ndërsa vitamina C ndihmon në prodhimin e kolagjenit dhe vepron si një antioksidant shumë i fuqishëm që mbron flokët.

Hair Vitamins është një pije pluhur 100% natyrale që ushqën flokët me të gjitha vitaminat dhe mineralet e duhura, dhe:

• Redukton rënien e flokëve
• Parandalon majat dyshe
• Stimulon daljen e flokëve të rinj
• Forcon, trash dhe shkëlqen flokët
• Rigjeneron flokët e dëmtuar
• I dhuron flokëve një kujdes të gjatë dhe të plotë
• Një dozë ditore përmban 1,250 µg Biotin (2,500 % e nevojës ditore)
• Nuk përmban sheqer ose ëmbëlsues artificialë

Doza e rekomanduar ditore është 5 gr (një lugë që gjendet brenda në kuti). Treteni në një gotë me ujë dhe pijeni njëherë në ditë. Doza ditore prej 5 gr Hair Vitamins përmban 1,250 µg Biotinë (2,500 % e nevojës ditore) dhe 100 mg Vitaminë C (125 % e nevojës ditore).

Lexoni dhe: 7 vajrat esencialë më të mirë për flokët

NA NDIQNI NË: