23 SEKRETE PËR TË PËRDORUR VAJIN E KOKOSIT PËR LËKURËN

Përdorimet e vajit të kokosit për lëkurën.

Vaji i kokosit është i mirënjohur tashmë për vetitë e tij të jashtëzakonshme. Ky vaj përmban yndyrna të shëndetshme që na japin energji, janë në gjendje të luftojnë mikrobet në trup, si dhe është i jashtëzakonshëm për gatim. Përveç aromës së mrekullueshme që ka.

Por e dini që vaji i kokosit ka veti të jashtëzakonshme për lëkurën?

Duke përdorur vajin e kokosit, jo vetëm që shmangni shumë përbërës toksikë në kremrat që blini, por dhe kurseni për shkak të kostos së ulët që ka ky vaj.

Vaji i kokosit, është në gjendje të depërtojë më thellë në lëkurë, se pjesa më e madhe e kremrave kozmetikë. Kjo, për shkak të peshës molekulare të vogël që ka, si dhe mënyrës se si lidhet me proteinat.

23 Mënyra përdorimi të Vajit të Kokosit për lëkurën.

1. Gjalpë Trupi

Shmangni kimikatet dhe aromat false që gjenden në kozmetikën konvencionale. Mund të përdorni Gjalpë Shea, Vaj Kokosi, Vaj Jojoba dhe vajra esencialë sipas dëshirës, për të bërë në shtëpi një gjalpë trupi fantastik për lëkurën tuaj.

Pse vaji i kokosit për lëkurën funksionon kaq mirë? Pjesërisht, kjo është për shkak të yndyrnave të ngopura që ndihmojnë lëkurën të hidratohet dhe parandalon humbjen e lagështisë përmes poreve të lëkurës. Këto yndyrna i japin lëkurës një pamje të shëndetshme, të lëmuar dhe të njëtrajtshme.

2. Scrub Fytyre & Trupi

Hidratoni lëkurën ndërsa largoni qelizat e vdekura të lëkurës duke bërë pastrimin e trupit ose fytyrës tuaj. Thjesht përzieni vajin e kokosit me sheqerin e kokosit për të pasur lëkurë më të butë. Provojeni 2-3 herë në javë.

3. Vaj Trupi

Nëse lëkura juaj është e thatë, vaji i kokosit për lëkurën është një nga mjetet shëruese më të mira. Fërkoni vajin e kokosit në duar për ta ngrohur dhe më pas përdoreni në vend të kremit të trupit. Përqendrohuni në zona të tilla si bërrylat dhe gjunjët që priren të bëhen edhe më të thatë se zonat e tjera.

4. Trajtimi i Ftohjes

Ftoheni shpesh? Përdorimi i vajit të kokosit ndihmon në përshpejtimin e kohës së shërimit dhe në zbutjen e dhimbjeve.

Vaji i kokosit përmban tre acide yndyrore – acid kaprik, kaprilik dhe laurik – që posedojnë veti dezinfektuese dhe antimikrobike, duke ndihmuar në mbrojtjen ndaj dhe shërimin e infeksioneve mikrobike.

5. Vaj për Kutikulat e Thonjve

Përdorni vaj kokosi në manikyrin tuaj në shtëpi. Kontakti i vajit në kutikula ndihmon në largimin e mikrobeve dhe do të lehtësojë kutikulat, duke i bërë ato më të lehta për ti shtyrë më thellë ose prerë.

6. Banjo Detox

Një banjë e mirë detoks është një mënyrë e shkëlqyer për të eleminuar toksinat, ndërsa lejoni trupin dhe mendjen tuaj të relaksohen. Krijoni një banjë të thjeshtë detoks me vaj kokosi duke shtuar ¼ filxhan kripëra Epsom, të shkëlqyera për detoks dhe ¼ filxhan vaj kokosi, në një banjë të nxehtë. Për përfitime të shtuara të aromaterapisë, përfshini disa pika vajra esencialë sipas dëshirës.

7. Skuqja e Zonës së Pelenave

Përdorimi i vajit të kokosit për lëkurën lehtëson dhimbjen, kruarjen dhe skuqjen në zonën e pelenave. Përdorimi rregullisht i këtij vaji gjithashtu mund të ndihmojë në parandalimin e irritimit. Përdorni rreth një lugë çaji mbi zonën e acaruar dhe masazhojeni.

8. Tharja e Duarve

Nëse larja e enëve ju dëmton duart, vaji i kokosit është një zgjidhje e shkëlqyer. Mbani një vazo me vaj kokosi pranë lavamanit për të lyer duart. Bonus: Fërkoni duart me vaj kokosi dhe më pas vishni dorezat për ta bërë lëkurën të butë dhe elastike edhe më shpejt.

9. Larja e Fytyrës

Me vetitë e tij antimikrobike dhe aftësitë hidratuese, vaji i kokosit për lëkurën është perfekt për të pastruar fytyrën tuaj. Unë e dashuroj recetën për larjen e fytyrës me vaj kokosi. Do të vrasë çdo bakterie (lamtumirë, akne!) Ndërkohë që hidraton lëkurën dhe i jep një pamje më rinore.

10. Deodorant

Nëse deodorantët tradicionalë irritojnë lëkurën tuaj, përdorimi i vajit të kokosit është një alternativë e shkëlqyer. Provoni recetën e deodorantit me tre përbërës për ta bërë vetë në shtëpi. Është një alternativë natyrale dhe e shëndetshme, krahasuar me deodorantët e blera në dyqane.

11. Kundër Insekteve

Hidhni poshtë kimikatet toksike dhe bëni insekticidin tuaj për të mbajtur larg insektet. Për të bërë rreth 100 ml insekticid natyral, thjesht përzieni 100 ml vaj kokosi me 20-25 pika vajra esencialë. Më të preferuarit janë citronella, karafili, eukalipti, mentja dhe limoni. Ndërsa do t’ju duhet ta riaplikoni gjatë gjithë ditës, do të shmangni futjen e kimikateve dhe toksinave në trupin tuaj.

12. Balsam Buzësh

Produktet më të thjeshta shpesh janë të ngarkuara me përbërës të frikshëm. Në vend që të gëlltisni kimikate toksike përmes balsamit të buzëve, bëjeni vetë. Balsami i buzëve me mente dhe livando i bërë në shtëpi, eleminon tharjen dhe plasaritjen e buzëve, duke i hidratuar dhe ushqyer ato. Thjesht, në një lugë gjelle vaj kokosi, shtoni nga 5 pika vaj esencial mente dhe vaj esencial livando.

13.Larës Makeup-i

Përdorimi i vajit të kokosit për lëkurën rreth zonës së syve do t’ju lejojë të hiqni grimin pa frikën se mund të irritoni sytë. Për më tepër, ju do t’i jepni hidratim shtesë kësaj zone të ndjeshme – dhe do të zvogëloni rrudhat tuaja! Për ta përdorur, fërkoni butësisht vajin e kokosit në qepalla, si dhe poshtë syve, dhe më pas me një tampon pambuku ose pecetë të ngrohtë.

14. Vaj Masazhi

Pse të blini vajra të shtrenjtë masazhi kur është kaq e lehtë t’i bëni vetë? Kombinimi i vajit të kokosit me disa pika të vajit tuaj esencial të preferuar e bën punën po aq mirë; do të lehtësojë dhimbjet e muskujve, do ju përkëdhelë shqisat dhe inkurajojë një meditim të thellë.

15. Krem Nate

Mbani lëkurën tuaj të hidratuar dhe rigjenerojeni gjatë gjumit duke aplikuar butësisht vaj kokosi në fytyrën tuaj. Nëse jeni të prirur ndaj akneve ose keni lëkurë shumë të yndyrshme, provoni të shtoni disa pika në kremin tuaj hidratues. Kjo do të rrisë hidratimin pa shtuar shumë yndyrë në lëkurë. Nëse dëshironi të përdorni vajin e kokosit edhe si hidratues gjatë ditës, kombinoni atë me krem kundër diellit. Do të merrni përfitime gjatë gjithë ditës pa rrezikuar dëmtimin nga dielli.

16. Ushqyes i Skalpit

E keni lëkurën e kokës të thatë dhe të plasaritur? Përdorimi i vajit të kokosit për flokët dhe lëkurën e kokës do ta mbajë zonën të hidratuar, duke dekurajuar rritjen e zbokthit dhe duke i mbajtur flokët me shkëlqim. Nëse keni edhe majat e thata, fërkoni pak vaj mbi to për të siguruar ushqim të plotë të majave.

17. Xhel Rroje

Siguroni një rruajtje të butë dhe të thellë duke përdorur vaj kokosi në vend të kremrave ose xhelit për rroje. Vaji i kokosit do të ndihmojë në parandalimin e qimeve të futura në lëkurë dhe acarimin nga brisku, plus shtimin e hidratimit. Thjesht fërkojeni në lëkurë dhe rruhuni.

18. Problemet e Lëkurës

Për shkak të vetive të tij anti-inflamatore, vaji i kokosit ka një popullaritet në rritje për trajtimin e sëmundjeve si ekzema, psoriasis dhe sëmundje të tjera të lëkurës. Në fakt, një studim i kohëve të fundit zbuloi se 46 për qind e pacientëve me sëmundje kronike të lëkurës që përdornin vaj kokosi kishin një përgjigje të shkëlqyer në trajtimin e gjendjes së tyre. Ndërkohë, vetëm 19 për qind e atyre që përdorën vaj mineral për të trajtuar gjendjen e tyre kishin një rezultat pozitiv.  Nëse vuani nga një sëmundje e lëkurës, përdorimi i rregullt i vajit të kokosit mund të ndihmojë në zbutjen e simptomave.

19. Strijat

Strijat shfaqen kur ndryshon elasticiteti i lëkurës, më shpesh pas shtimit/humbjes së peshës ose shtatzënisë. Përdorimi i vajit të kokosit mund të ndihmojë në zvogëlimin e shenjave që mbeten pas, duke i ndihmuar ato të zbehen më shpejt duke e mbajtur lëkurën të hidratuar, dhe lejuar një shërim më të shpejtë.

20. Qetësues për Djegiet nga Dielli

Jeni djegur nga dielli? Vaji i kokosit mund të ndihmojë në zbutjen e lëkurës së djegur, zvogëlimin e skuqjes dhe rihidratimin e lëkurës. Kujdes: vaji i kokosit siguron mbrojtje minimale nga dielli – rreth SPF 4 – nëse do të jeni në diell për një periudhë të gjatë kohore, do ju rekomandoja të shtoni ekstrakt të farës së mjedrës së kuqe ose oksid zinku për ta bërë një mbrojtës më të fortë ndaj diellit.

21. Shërues Plagësh

Ju e dini që vaji i kokosit është mjaft popullor për lëkurën e thatë. Por a mund ta përdorim për të përshpejtuar shërimin e plagëve? Për shkak të vetive të tij antimikrobike dhe hidratuese, aplikimi i vajit të kokosit në prerje, gërvishtje, skuqje ose plagë ndihmon në luftimin e infeksioneve dhe nxitjen e shërimit.

22. Zbardhues i Dhëmbëve

Vaji i kokosit vepron si një detoksikues oral, duke pastruar gojën nga toksinat. Aftësitë absorbuese dhe antiseptike të këtij vaji sigurojnë një mjedis oral të pastër.

Thjesht mbani në gojë 1-2 lugë vaj kokosi për 10-20 minuta. Më pas pështyjeni dhe shplajeni gojën.

23. Vaj Bazë

Vaji i kokosit është një vaj bartës i dobishëm që mund të kombinohet me vajra esencialë dhe më pas të aplikohet në mënyrë lokale. Shumë vajra esencialë janë shumë të fortë për t’u aplikuar drejtpërdrejt në lëkurë, por përdorimi i një vaji bartës do të hollojë vajin esencial dhe do të mbulojë një sipërfaqe më të madhe.

Provoni të kombinoni një ½ lugë çaji vaj kokosi me 2 pika vaj menteje dhe ta aplikoni kombinimin në tëmtha dhe pjesën e pasme të qafës. Ky është një truk i shkëlqyer para stërvitjes ose në mëngjes, për të rritur nivelet e energjisë.

Kujdes: Në treg ka shumë vajra kokosi, shumë prej tyre të pasigurtë dhe jocilësorë. Sigurohuni që të blini Vaj Kokosi Extra Virgin të Çertifikuar Bio-Organik Ushqimor, i cili është cilësia më e lartë e vajit të kokosit. Klikoni mbi foton më poshtë për të parë ofertën

Vaj Kokosi