RËNDËSIA E VITAMINAVE B PËR ORGANIZMIN

Vitamina B-Kompleks rrit nivelin e energjisë dhe mirëqenien e përgjithshme

B-Kompleks  shpesh përmendet si një grup vitaminash energjitike, por është e rëndësishme të kuptohet që këto vitamina janë “çelësi” për “zhbllokimin e dyerve” të energjisë dhe mirëqenies.

Shpesh jemi konfuz për të përcaktuar se cilat nga Vitaminat B na duhen vërtet. Por nuk ka asgjë për t’u shqetësuar. Vitamina B-Kompleks na ndihmon të plotësojmë gjithë nevojën për këtë grup vitaminash. Në të vërtetë, ekzistojnë shumë lloje të ndryshme të vitaminës B, dhe secila prej tyre luan një rol paksa të ndryshëm në trupin tonë dhe ka rëndësinë e vet. Disa punojnë së bashku në grupe dhe prandaj është e rëndësishme të sigurohet ekuilibri i tyre i përgjithshëm. Mungesa e një vitamine ose nevoja e shtuar e saj shkakton rritjen e kërkesës për vitamina të tjera nga grupi përkatës gjithashtu.

RËNDËSIA E VITAMINAVE B PËR ORGANIZMIN

Çfarë është Vitamina B-Kompleks?

Familja e vitaminave të grupit B përmban mbi 12 lloje. Trupi i njeriut ka nevojë vetëm për 8 prej tyre, dhe duke qenë se këto janë kryesoret,  ne i quajmë B-Kompleks. Vitaminat e grupit B klasifikohen sipas emrave dhe numrave individualë (psh. B1, B2, acidi folik etj).

Thiamina, e njohur si vitamina e rëndësishme B1, është një nga përbërësit e parë organikë të njohur si një vitaminë që në vitet ’30. Ajo lidhet me metabolizimin e karbohidrateve dhe aminoacideve në një zinxhir të degëzuar (proteina); këto vitamina ndihmojnë në çlirimin e energjisë nga ushqimi, stimulojnë oreksin normal dhe mbështesin funksionimin e duhur të sistemit nervor.

Pse kemi nevojë për vitamina të grupit B?

Vitaminat B veprojnë si koenzima të cilat ndihmojnë trupin tonë të marrë energjinë nga ushqimi dhe kujdesen për proceset metabolike (metabolizmin e lipideve, proteinave, sheqerit). Vitaminat B kanë shumë përfitime për shëndetin tonë. Vitaminat e grupit B ndihmojnë sistemin tonë nervor të mbetet i shëndetshëm dhe mbështesin trupin tonë në dekompozimin e ushqimit duke përdorur energjinë e konsumuar si lëndë djegëse. Ato luajnë një rol jetësor në mbajtjen të shëndetshme të lëkurës dhe mëlçisë, gjenerimin e rruazave të kuqe të gjakut dhe ruajtjen e sistemit nervor, si dhe një oreks të mirë.

Edhe pse marrja e përditshme e vitaminave kryesore të grupit B mund të sigurohen përmes një diete të shëndetshme dhe të ekuilibruar, ato janë të tretshme në ujë dhe nuk ruhen në trup. Kjo do të thotë që ne duhet t’i konsumojmë ato çdo ditë. Duke pasur parasysh stilin e jetës tonë të tanishme, dieta e shëndetshme mund të pasurohet dhe plotësohet në shumicën e rasteve vetëm nga shtesa natyrale dietike, siç është Vitamina B-Kompleks

Vitaminat B-Kompleks dhe ushtrimet fizike

Njerëzit që bënjë ushtrime fizike, sport, ose janë në dietë, duhet të marrin doza më të mëdha të Vitaminës B-Kompleks. Vitaminat B luajnë një rol të rëndësishëm në metabolizëm. Për shembull, vitamina B1 ndihmon organizmin në shndërrimin e glukozës në energji, duke përshpejtuar konsumin e glikogjenit. Vitamina B2 ndihmon në proceset e djegies së yndyrnave. Vitamina B6 e kombinuar me vitaminën B1 mund të parandalojë dëmtimin e muskujve gjatë stërvitjes, duke rritur masën muskulare. Vitamina B12 mund të përshpejtojë metabolizmin tuaj dhe rritjen e proceseve metabolike ndaj yndyrës, sheqerit dhe proteinave. Përveç kësaj, ushtrimet fizike dhe stërvitja kërkojnë një konsum të lartë të ujit i cili zakonisht shkakton humbjen e vitaminave të tretshme në ujë, përfshirë vitaminat e grupit B dhe vitaminën C. Ushtrimet aerobike të zgjatura mund të rrisë stresin oksidativ, dhe për këtë arsye është shumë e rëndësishme të monitorohet marrja e antioksidantëve dhe duke parandaluar kështu dëmtimin e qelizave dhe probleme të tjera.

Cila vitaminë B është më e rëndësishmja? Është e pamundur ta thuash.

“Të gjitha luajnë një rol shumë të rëndësishëm në organizëm” thotë Roxanne Moore, nutricioniste e regjistruar në Departamentin e Arsimit, në Shtetit Maryland, si dhe përfaqësuese e Shoqatës Amerikane për Ushqyerjen. Një dietë e larmishme, e shëndetshme, duke përfshirë mishin pa yndyrë, perimet shumëngjyrëshe dhe drithërat integrale zakonisht siguron vetëm një bazë për një konsum të mjaftueshëm të vitaminave B.

VITAMINAT B

Një grup prej 8 vitaminash B është i përfshirë direkt në proceset jetësore të trupit.

Dieta e pabalancuar, dietat e forta dhe nivelet e larta të stresit shkaktojnë mungesë të vitaminave të caktuara. Vitaminat e grupit B kryesisht lejojnë trupin të përdorë energjinë e konsumuar nga ushqimi. Ato kujdesen për gjenerimin e energjisë dhe ushqejnë qelizat duke drejtuar ushqimin në pikat e synuara.

Vitamina B1 (tiamina)

Vitamina B1 ndihmon në funksionimin e muskujve, sistemit nervor dhe zemrës. Rregullon proceset metabolike dhe tretjen, gjithashtu kontribuon në lëshimin e energjisë së gjeneruar nga glukoza. Vitamina B1 gjendet në shumicën e llojeve të ushqimit, përfshirë perimet, frutat e freskëta ose të thata, vezët, mëlçitë dhe drithërat integrale.

Vitamina B2 (riboflavin)

Vitamina B2 është aktive në metabolizimin e energjisë në trup, mbështet sistemin nervor dhe vepron si detoksikues i gjakut. Mban të shëndetshëm dhe të fortë, lëkurën, flokët dhe thonjtë. Burimet e vitaminës B2 janë: produktet e qumështit, mishi, peshku, orizi, vezët dhe drithërat integrale.

Vitamina B3 (niacina)

Niacina (acidi nikotinik) mban një sistem tretës të shëndetshëm, lehtëson dhimbjen e kokës, përmirëson qarkullimin e gjakut dhe kontribuon në funksionimin normal të sistemit nervor dhe pamjen e shëndetshme të lëkurës. Niacina mund të gjendet te mishi, peshku, mielli i grurit, vezët dhe produktet e qumështit.

Vitamina B5 (acidi pantotenik)

Vitamina B5 kryen disa funksione, siç janë mbrojtja ose administrimi i stresit emocional dhe fizik, përmirësimi i vitalitetit dhe ngadalësimi i proceseve të plakjes. Burimet kryesore të vitaminës B5 janë vezët, viçi, veshkat, mishi dhe perimet.

Vitamina B6 (piridoksina)

Piridoksina është një katalizator i rëndësishëm për reaksionet që përfshijnë yndyrën, karbohidratet dhe aminoacidet në qelizat e gjakut, trurit dhe lëkurës. Vitamina B6 mund të gjendet në një larmi ushqimesh, të tilla si, mishi i derrit, shpendëve, peshqve, buka, drithërat integrale, vezët, perimet, soja, kikirikët dhe qumështi.

Vitamina B7 (biotin)

Biotina është një formë e vitaminës B e cila është e rëndësishme në metabolizmin e acideve yndyrore dhe karbohidrateve. Bakteret që jetojnë në mënyrë natyrale në zorrët tona mund të prodhojnë biotinë, ndërsa mund të gjendet edhe në një gamë të gjerë të produkteve ushqimore natyrale në natyrë.

Vitamina B9 (folate/acid folik)

Folatet marrin pjesë në zhvillimin e sistemit nervor të një embrioni, sintezën e proteinave dhe rritjen e qelizave. Në veçanti, gratë që presin një fëmijë dhe gratë që planifikojnë shtatzaninë, duhet të konsumojnë ushqime të pasura me folate, siç janë: perimet me gjethe jeshile, bishtajoret, farat, mëlçitë, vezët, drithërat dhe agrumet.

Vitamina B12 (kobalamina)

Vitamina B12 ka disa funksione të rëndësishme; kontribuon në gjenerimin e rruazave të kuqe të gjakut, mbështet funksionimin normal të sistemit nervor dhe çliron energjinë nga ushqimi i konsumuar. Merr pjesë në formimin e qelizave të reja, rruazave të kuqe dhe tyhmidinës, e cila është “çelësi” kryesor i ndërtimit i materialit gjenetik në qelizë. Burimet kryesore të acidit folik janë: perimet me gjethe jeshile, bishtajoret, frutat dhe mëlçitë. Gratë shtatzëna janë të predispozuara të kenë mungesë të acidit folik. Vegjetarianët dhe veganët kanë mungesë të vitaminës B12, sepse ajo gjendet vetëm në ushqime me origjinë shtazore.

Këto janë tetë Vitaminat B kryesore. Për një shëndet më të mirë, rekomandohet marrja e sasisë së nevojshme ditore  për secilën nga vitaminat përkatëse që një person duhet të konsumojë çdo ditë për të qëndruar i shëndetshëm. Suplementi B-Kompleks i Natures Finest përmban një dozë 8-në-1 të këtyre vitaminave që duhet të merret një herë në ditë e tretur në ujë,  dhe siguron sasinë e nevojshme ditore për secilin nga 8 llojet.

Vitaminat B-Kompleks luajnë role të ndryshme dhe shumta në trupin tonë. Pse ju rekomandojmë Vitaminën B-Kompleks të Natures Finest:

– Përmban 50 mg (100% e nevojës ditore) Vitaminë B-Kompleks për dozë

– Është në trajtë pluhuri për një përthithje të shpejtë dhe të plotë

– Përmban një sasi për një muaj trajtim

– Kontribuon në funksionimin normal të sistemit nervor

– Rrit energjinë

Konsumi i rekomanduar ditor

Marrja e rekomanduar ditore e vitaminës B2 është nga 1.2 mg në 1.7 mg për të rriturit, 1.6 mg për gratë shtatzëna dhe 1.8 mg për gratë me gji. Doza e rekomanduar ditore e vitaminës B12 është 2 mg për të rriturit, 2.2 mg për gratë shtatzëna dhe 2.6 mg për gratë me gji. Marrja e rekomanduar ditore e acidit folik (B9) është 400 μg

 Marrja e rekomanduar ditore e Vitaminës B-Kompleks është 5 g (1 lugë që gjendet brenda kutisë). Doza hidhet në një gotë me ujë dhe pihet sapo të tretet. 5 g pluhur përmban 50 mg kompleks B, që plotëson nevojat tona ditore për këtë grup vitaminash.

Vitamina B-Kompleks e Natures Finest do të na ndihmojë të bëjmë hapin e parë në drejtimin e duhur, për një shëndet të mirë!

Mund të lexoni:  7 SHENJA QË TREGOJNË MUNGESË MAGNEZI

 Na ndiqni në: