5 vajrat esencialë më të mirë për simptomat e Astmës

Keni përdorur ndonjëherë vajra esencialë për të trajtuar astmën? Astma ndalon funksionin normal të rrugëve të frymëmarrjes që shkojnë në mushkri, dhe na lejojnë ne të marrim frymë. Nëse po vuani nga simptomat e astmës dhe jeni duke kërkuar një mënyrë alternative natyrale për të përmirësuar gjendjen, mund të merrni në konsideratë përdorimin e vajrave esencialë.

Sipas  “Asthma and Allergy Foundation of America”, astma është më e zakontë në djemtë e rinj sesa tek vajzat, por më e shpeshtë tek femrat e rritura sesa tek meshkujt. Kur përdoren siç duhet, vajrat esencialë mund të jenë shumë efektivë si pjesë e trajtimit natyral të astmës.

Me vetitë e saj si anti-inflamator, antispazmoik, ekspektorant dhe anti-kongjestiv, vaji i mentes (peppermint) është përdorur për problemet e frymëmarrjes në mjekësinë tradicionale bimore  ndër shekuj dhe tani studimet e fundit kanë treguar se mentja është i vetmi vaj esencial i cili mund të ndihmojë në frymëmarrje më të lehtë! (1)

5 Vajrat esencialë për astmën

Astma dhe alergjitë shpesh shkojnë krah më krah, sidomos në rastet e astmës alergjike, e cila është një astmë e ngacmuar nga ekspozimi ndaj të njëjtës substancë që nxit simptomat e alergjisë. Ndaj nuk është suprizë që ka një marrëdhënie shumë të mirë midis vajrave esencialë për alergjinë dhe vajrave esencialë për astmën. Cilët janë vajrat esencialë më të mirë për astmën?

1. Vaji esencial i Eukaliptit

Bronkiti astmatik ndodh kur astma dhe bronkiti zhvillohen në të njëjtën kohë. Nëse jeni duke kërkuar vajra esencialë për bronkitin astmatik, vaji i eukaliptit është një zgjidhje shumë e mirë. Vaji i eukaliptit ndihmon hapjen e rrugëve të frymëmarrjes, duke eleminuar bllokimin bronkial. Eukaliptusi përmban një komponent aktiv, citronelën, i cili ka efekt analgjezik dhe anti-inflamator.

Marrja frymë me vështirësi mund të jetë një simptomë e kombinuar me enjtjen e mukusit dhe ngushtimin e muskujve duke çuar në bllokim të rrugëve të ajrit. Cili vaj esencial është i mirë për vështirësitë e frymëmarrjes? Vaji i eukaliptit ja vlen të provohet! Një rishikim mjekësor i publikuar në vitin 2014 vuri në dukje komponentin mirëbërës, eukaliptolin, i cili është i njohur për aftësinë e tij për të reduktuar spazmat e traktit respirator, dhe hollimin e mukusit.

Gjithashtu i njohur si 1,8-cineol, eukaliptoli ka treguar vetitë e tij terapeutike në sëmundje inflamatore të rrugëve të frymëmarrjes, duke përfshirë astmën dhe sëmundje pulmonare kronike obstruktive (COPD). Mbi të gjitha, u konkludua se bazuar në vetitë anti-oksidante dhe anti-inflamatore të demostruara në provat klinike me eukaliptol, u pa se pati përmirësim në kontrrollin e astmës. (2)

Kërkuesit treguan se inhalacioni i vajit të eukaliptit “prodhon” një erë të ftohtë në hundë që ndihmon në frymëmarrje. (3) Një dekongjestant i mrekullueshëm natyral!

2. Vaji esencial i mentes (Peppermint)

Është vaji i mentes i mirë për astmën? Vaji i mentes është pa dyshim një tjetër zgjedhje e mirë për problemet e frymëmarrjes. Me aromën purifikuese dhe gjallëruese, vaji i mentes përdoret për të pastruar mushkritë dhe hapur rrugët bronkiale.

Një studim i publikuar në European Journal of Medical Research sygjeroi se vaji i mentes dhe komponenti i tij aktiv L-menthol kanë veti impresionuese anti-inflamatore të cilat sjellin përmirësime në crregullime kronike inflamatore si astma bronkiale. (4)

Një tjetër studim i kryer dhe i publikuar në vitin 2010 demostroi aftësinë e vajit të mentes për tu sjellë si një antispazmoik relaksues,  i cili është i kualifikuar sidomos për të ndihmuar simptomat e astmës,  si vështirësi në frymëmarrje dhe kollë. (5) Vaji i mentes është cilësuar edhe si një nga vajrat më të mirë për kollën.

3. Vaji esencial i Trumzës

Trumëza ka veti potenciale antiseptike që pastron mushkritë dhe sjell një funksion respirator më të mirë. Nëse vuani nga astma, vështirësia në frymëmarrje, vaji i trumzës mund t’ju hyjë në punë.

Është një nga vajrat esencialë më të mirë për bronkitin, për shkak të eleminimit me sukses të baktereve. Vaji i trumzës  ka treguar se lufton bakteret rezistente ndaj antibiotikëve! (6)

4. Vaji esencial i Xhinxherit

Xhinxheri është përdorur ndër shekuj për të trajtuar sëmundjet respiratore. Vaji esencial i xhinxherit është përdorur si një zgjidhje natyrale për astmën, të ftohurin, kollën dhe bronkitin. Studiuesit kanë provuar se ekstrakti i xhinxherit pengon kontraktimin e rrugëve të frymëmarrjes që e bënë më të lehtë frymëmarrjen. (7)

Hiper-reaktiviteti dhe inflamacioni janë dy karakteristika kryesore të astmës. Një studim i publikuar në American Journal of Respiratory Cell and Molecular Biology zbuloi se xhinxheri dhe komponenti i tij aktiv shkakton relaksim të shpejtë të muskujve të frymëmarrjes. Kërkuesit dolën në konkluzion se komponenti aktiv i vajit të xhinxherit , xhinxheroli ka efekt terapeutik për personat me probleme respiratore si astma. (8)

5. Vaji esencial i Livandos

Astma përkeqësohet kur personi përjeton stres ose ankth. Përdorimi i një vaji esencial si livando, e kombinuar me frymëmarrje të thellë, mund të sjellë lehtësim. Vaji i livandos është shumë i njohur për vetitë relaksuese, qetësuese dhe sedative, të cilat e bëjnë një nga vajrat me të mirë për stresin dhe ankthin.

Një studim i publikuar në vitin 2014 demostroi sesi inhalacioni i vajit të livandos mund të pengojë inflamacionin alergjik dhe rritjen e prodhimit të sekrecioneve. Mbi të gjitha, kërkuesit konkluduan se  vaji i livandos mund të përdoret si një alternativë shumë e vlefshme për astmën bronkiale. (9)

Si të përdorni vajrat esencialë për trajtimin e astmës

Aromaterapia

Aromaterapia është një mënyrë terapeutike e përdorimit të vajrave esencialë nga bimët (lulet, bimët ose pemët) për përmirësimin fizik, emocional dhe spiritual. (10)

Shpërhapja në ajër është një mënyrë shumë e mirë e përdorimit të vajit të eukaliptit. Jo vetëm i vajit të eukaliptit por edhe të vajrave të tjërë të sipër përmendur. Janë shpërndarësit e vajrave të sigurt për astmën? Këshillohu me mjekun, por shumë ekspertë kanë rënë dakort se shpërndarësi i vajit duhet të përdoret me kujdes. Filloheni me disa pika vaji si fillim për të parë efektin. Mund të përdorni një vaj ose kombinim vajrash.

Mënyra të tjera për të përdorur vajrat esencialë për astmën nëpërmjet aromaterapisë:

• Inhalacioni i vajit direkt nga shishja ose hedhja e disa pikave në një rrobë.
• Zhytja në vaskë me vajra esencialë.
• Masazhimi i vajit direkt në lëkurë.
• Masazh terapi me përdorim të vajrave esencialë.

Aplikimi Oral

Përpara se të përdorni vajrat esencialë për astmën së brendshmi, lexoni me kujdes nëse vaji që keni zgedhur përdoret ose jo për konsum së brendshmi. Ka shumë vajra esencialë të cilët përdoren së brendshmi, por është e rëndësishme që të jenë 100% të pastër, terapeutikë dhe të certifikuar organikë. Shumë vajra që gjenden në market janë të holluar ose të përzjerë me vajra sintetikë, dhe nuk janë të sigurtë për përdorim.

Në përgjithësi, duhet të përdorni shumë pak vaj esencial së brendshmi, 1 deri në 2 pika në ditë, maksimumi 2-3 pika në ditë. Nëse përjetoni irritim të gojës dhe fytit, duhet ta holloni vajin me lëngje, vajra bimorë si vaji i ullirit, kokosit, ose ta shoqëroni me ushqime. Është më mirë të merrni vajrat esencialë të shoqëruar me ushqim sesa me stomakun bosh.

Një tjetër aplikim oral janë edhe kapsulat, shtimi i 1 ose 2 pikave në pijen e preferuar, përgatitja e një caji ose ëmbëlsire me vaj esencial.

Aplikimi lokal

Mund ti përdorni vajrat esencialë edhe në mënyrë lokale në lëkurë, për të trajtuar astmën. Vaji i mentes dhe i lavandës mund të aplikohen në gjoks, mbrapa në qafë, tëmtha dhe thëmbrat e këmbëve. Për njerëzit me lëkurë sensitive, vaji duhet të përzihet me një vaj mbajtës si vaji i kokosit ose vaji jojoba përpara aplikimit lokal. Mund ta përzjeni edhe me vajra të tjerë esencialë sipas preferencës.

Doni të dini recetën më të mirë me vajra esencialë për astmën? Një nga zgjidhjet më të mira është kombinimi i dy pika eukaliptus, mente, trumës dhe vaji xhinxher me një lugë caji vaj kokosi , këtë përzjerie vendose në gjoks, më pas merr frymë thellë; frymëmarrje me diafragmë.

Një tjetër mënyrë e mirë për të përdorur vajrat esencialë është prodhimi në shtëpi i një pomade, me vaj eukalipti dhe mente.

Efektet e mundshme anësore

Njerëzit mund të reagojnë në mënyra të ndryshme ndaj vajrave esencialë. Nëse jeni duke u trajtuar për astmën (ose cfarëdo lloj problemi shëndetësor tjetër) dhe jeni duke marrë mjekim, duhet të konsultohni më parë me mjekun tuaj përpara se të provoni vajrat esencialë kundër astmës.

Ka mundësi që të jeni alergjikë nga vajrat esencialë, që mund të sjellin acarim dhe sulme astmatike? Aroma e fortë, te disa persona, mund të çojë në sulme astmatike kështu që kujtoni të përdorni sasi të vogël vaji esencial dhe përzjeini siç duhet. Mos i përdorni nëse keni alergji nga vajrat esencialë. Ju nevojitet 1 ose 2 pika vaj për të marr efektet positive. Gjithashtu aplikimi i vajit esencial në thembra mund të jetë një mënyrë shumë e mirë për të testuar efektet e vajit.

Nëse vini re që simptomat e astmës përkeqësohen atëherë ndaloni përdorimin e vajit esencial. Kërkoni menjëherë ndihmë mjekësore nëse mendoni se ataket e astmës vijnë nga përdorimi i vajit. Ataket e astmës mund të jenë fatale, kështu që duhet të jeni gjithmonë të kujdesshëm. Shenja të atakeve astmatike përfshijnë fytyrë të zbehtë, mbytja, buzë të nxira, rrahje të shpejta të zemrës dhe pamundësi frymëmarrje.

Gjithmonë konsultohuni me pediatrin përpara se ta përdorni vajin esencial tek fëmija juaj astmatikë. Disa vajra esencialë, si mentja, nuk duhet të përdoret në fëmijë nën moshën 6 vjeç. (11)

Konsultohuni më mjekun nëse dyshoni se fëmija juaj ka astmë. Simptoma të astmës përfshijnë kollën, pamundësi në frymëmarrje, ngushtim në gjoks, dhimbje dhe presion në gjoks.

Përmbledhje

• Astma është një sëmundje kronike e mushkrive që prek fëmijët dhe adultët.
• Simptoma të zakonshme të astmës përfshijnë kollën, pamundësinë në frymëmarrje, ngushtim në gjoks, dhimbje dhe presion në gjoks.
• Ka një sërë zgjidhje natyrale që mund të përmirësojnë simptomat e astmës duke përfshirë dietën dhe përdorimi i vajrave esencialë për astmën.
• Konsultohu me doktorin përpara përdorimit të vajrave esencialë nëse jeni duke e përdorur për vete ose të afërmin tuaj.
• Cilët vajra esencial janë më të mirë për problemet e frymëmarrjes si astma?
• Vaji esencial i Eukaliptit ndihmon në hapjen e rrugëve të frymëmarrjes dhe përmirësimin e bllokimit bronkial. Është një dekongjestant natyral.
• Vaji esencial i mentes pastron mushkritë dhe hap rrugët bronkiale.
• Vaji esencial i trumzës vret bakteret që shkaktojnë infeksione respiratore si bronkiti i cili e bën astmën më sfiduese.
• Vaji esencial i xhinxherit ndihmon në reduktimin e sekrecioneve në  rrugët respiratore.
• Vaji esencial i livandos ndihmon në reduktimin e stresit dhe ankthit të cilët e përkeqësojnë simptomat e astmës.
• Përdorni vajra 100% të pastër, terapeutikë dhe të çertifikuar. Ky është çelsi i një vaji të sigurtë dhe eficent.