Lëkura është reflektim i shëndetit tonë, ndaj lëkura e bukur, me shkëlqim vjen si pasojë e kujdesit të duhur, hidratimit dhe ushqyerjes së mirë. Nga ana tjetër, lëkura me akne, me pika të zeza ose probleme të tjera tregon dëmtime oksidative, kequshqyerje dhe disbalancë hormonale, duke e bërë të nevojshme gjetjen e zgjidhjeve në shtëpi për aknet.

Sipas American Academy of Dermatology, aknet janë gjendja më e zakontë e lëkurës. (1) Më shumë se 85% e adoleshentëve, përjetojnë disa tipe aknesh, por disa herë edhe adultët hasen me këto probleme. Pothuajse gjysma e adoleshentëve dhe të rinjve kërkojnë ndihmë profesionale tek dermatologu për të rregulluar këtë gjendje.

Nga më të lehtat tek më të rëndat, aknet mund të jenë të dhimbshme dhe shpërthyese në faqe, kurriz, gjoks apo krahë. Nëse lihen pa trajtuar, aknet mund të cojnë në vetëvlerësim të ulët dhe hiperpigmentim ose shenja. Gjenetika, ndryshimet hormonale, mungesa e gjumit dhe stresi janë faktorë kontribues në shfaqjen e akneve.

Lajmi i mirë është: ka shumë mënyra natyrale për të eleminuar aknet, pikat e zeza dhe hiperpigmentimin si pasojë e shenjave nga aknet. Më poshtë do t’ju tregojmë mënyrat sesi të eleminoni aknet. Nëse ju jeni një person i cili zgjedh të përdor medikamente të rrezikshme në lëkurë, në vënd të zgjidhni produkte natyrale, duhet të dini se pastrimi i lëkurës në mënyrë natyrale është i mundur ashtu si dhe minimizimi i shënjave nga aknet. Një dietë e shëndetshme, aplikimi i vajrave esencialë, pastrimi me kujdes dhe balancimi i hormoneve janë disa nga zgjidhjet për aknet që mund të bëni në shtëpi për të risjellë shëndetin e lëkurës tuaj.

Cfarë janë aknet?

Akne vulgaris është termi për këtë gjendje të lëkurës që karakterizohen nga aknet. (2) Aknet kategorizohet në dy tipe kryesore: akne jo-inflamatore dhe inflamatore. Aknet përshkruhen si të lehta, të moderuara dhe të rënda, ose mund të klasifikohen me grada I, II, III ose IV. (3)

Tipet kryesore të akneve përfshijnë:

• Aknet jo-inflamatore – karakterizohen nga puçrrat dhe pikat e zeza, por jo nga kistet/nodulat.
• Aknet inflamatore – shkaktohen nga një infeksion i vogël si pasojë e bakterit P. Acnes.
• Aknet cistike (ose ndryshe aknet nodulocistike) – një formë intense e aknes që rezulton në një kist të madh të inflamuar dhe nodula në lëkurë.
• Aknet fulminans –  formë e rëndë inflamacioni të akneve që prek meshkujt, zakonisht në nofull, gjoks dhe kurriz.
• Aknet mekanika – shkaktohen nga presioni, nxehtësia dhe fërkimi. Shpesh prek atletët, duke shkaktuar disa gunga të vogla dhe lezione të inflamuara.

Grada e akneve në varësi të tipit të simptomave:

• Grada I –  shkakton puçrra të vogla të painflamuara, pika të zeza.
• Grada II –  akne të moderuara që shkaktohen nga çarja e shpeshtë e pustulave dhe papulave.
• Grada III –  inflamacion, një numër i madh papulash dhe pustulash dhe disa nodula.
• Grada IV – forma më e rëndë e akneve, shkaktojnë nodula, kiste, pustula dhe papula që shfaqen në faqe, kurriz, gjok, qafë dhe vithe.

Shenjat & Simptomat e Akneve

Simptomat e akneve varen nga tipi specifik i aknes si dhe irritimi/inflamacioni i lëkurës. Simptomat më të zakonshme që shkaktojnë aknet: (4)

• Pikat e zeza , gjenden në përgjithësi në hundë, ballë ose mjekër.
• “Pikat e bardha” kokrrat e bardha, formohen nga brenda lëkurës dhe formon një si sipërfaqe të ngritur në lëkurë.
• Papula dhe pustula (puçrra pa ose me qelb) të cilat janë të vogla ose mesatare dhe rreth tyre lëkura është e kuqe. (5)
• Kistet ose nodulat, janë puçrra të infektuara dhe të dhimbshme.
• Shenjat e errëta në lëkurë (hiperpigmentimi).
• Shenjat, shkaktohen nga nodulat ose kistet.
• Sensibilitet nga nxehtësia, djersa dhe drita e diellit.
• Ulje e vetëvlerësimit, ankth dhe depresion.

Shkaqet më të shpeshta të akneve

Shkaqet kryesore të akneve përfshijnë:

• Pore të bllokuara që shkaktohen nga prodhimi i tepërt i yndyrës, dhe qelizat e vdekura të lëkurës. Sebumi është tipi i yndyrës që çlirohet nga folikuli i flokut dhe mund të ngecë në sipërfaqe të lëkurës dhe poreve të bllokuara.
• Bakteriet.
• Disbalanca hormonale. Për shembull, kur hormoni androgjen rrit prodhimin e yndyrës. Kjo ndodh tek adoleshentët dhe adultët e rinj që vuajnë nga aknet, sidomos femrat me PSM, perioda të çrregullta, në menopauzë të hershme dhe gjendje hormonale të tjera si sindroma e ovareve policistike (PCOS).
• Dieta e varfër, me ushqime të përpunuara, sheqerna dhe yndyrna të pashëndetshme. 
• Stres i lidhur me probleme psiqike si depresioni dhe ankthi.
• Përdorimi i disa medikamenteve si kortikosteroidët, androgjenët, kontraceptivët dhe litiumi. (6).
• Mungesë gjumi.
• Lëkurë e irrituar sidomos nga pajisjet ose çantat sportive.
• Predispozicioni gjenetik.
• Duhanpirja dhe shkaqe të tjerë të inflamacionit.

Dikur mendohej se aknet prekin vetëm adoleshentët, por që në ditët e sotme janë shumë femra të rritura që preken nga aknet, madje disa nga ato nuk kanë pasur më parë probleme me aknet. Disa femra (edhe meshkuj) kanë akne vetëm gjatë periudhës së adoleshencës, por shumë të tjerë vuajnë nga ato edhe kur rriten, sidomos gjatë periudhave stresuese dhe ndryshimeve hormonale. Shfaqja e akneve tek gratë lidhet me disbalancimin hormonal që ndodh gjatë ciklit menstrual ose në menopauzë, gjithashtu faktorë të tjerë janë stresi, mungesa e gjumit dhe dieta e varfër.

Një shkrim i publikuar në Archives of Dermatological Research provoi se mungesa e gjumit, stresi dhe shumë aspekte të tjera të jetës moderne çojnë në krijimin e akneve tek femrat adulte. Kërkimi vuri në dukje se “jeta moderne” ka shumë stres, si zhurma e automjeteve, presioni socioekonomik dhe stimuj të tjerë. Femrat janë në përgjithësi të prekura nga stresi gjatë rutinës ditore. Femrat gjithashtu kanë rrezik më të lartë për të zhvilluar çrregullime të tilla si depresioni dhe ankthi. Mungesa e gjumit është një nga faktorët që sjellë pasoja shumë të rënda në shëndet, sidomos në sekretimin hormonal dhe sistemin imunitar. (7)

Lexo dhe: SI TË PËRDORIM VAJIN E PEMËS SË ÇAJIT PËR AKNET (Receta për ta përgatitur në shtëpi)

Trajtimi konvencional i Akneve

Shumë njerëz preferojnë ti mbajnë aknet, disa të tjerë nga bezdia që ato japin marrin medikamente ose trajtime kimike që japin efekte anësore ose që mund të mos funksionojnë fare. Dermatologet mund t’ju përshkruajnë medikamente për të trajtuar aknet, xhel, locione, pastrues apo antibiotikë. Kimikatet e përdoruar pa kriter, dhe produktet për aknet mund të çojnë në irritim të lëkurës sensitive ose të inflamuar, kështu që përdorimi i tyre nuk është gjithmonë zgjidhja e duhur ose e sigurt.

Sipas mjekëve, kush është medikamenti më i mirë për trajtimin e akneve?

• Dy produkte kryesore që përdoren për trajtimin e akneve quhen peroksid benzoil dhe acidi salicilik. Të përdorshme janë edhe derivatet e koncentruara të vitaminës A si sulfuri ose komponentët e zinkut.  
• Peroksidi benzoil ndihmon në eleminimin e e baktereve që gjenden brenda poreve. Kjo do të reduktojë infeksionin, skuqjen dhe inflamacionin dhe disa herë mund të shkaktojë reaksione negative si tharje, djegie dhe rrjepje të lëkurës. Gjithmonë filloni me një koncentrim më të ulët për të testuar reaksionin, si një locion 2.5 % peroksid benzoil.
• Acidi salicilik është një tjetër përbërës aktiv i cili eleminon qelizat e vdekura që ngecen tek yndyra e lëkurës, dhe bakteret brenda poreve. Mund të shkaktojë skuqje dhe tharje, sidomos në lëkurë të ndjeshme. Fillohet me një produkt me përmbajtje 0.5-3% acid salicilik.
• Dermatologët përshkruajnë edhe antibiotikë për të ndihmuar në reduktimin e sasisë së baktereve të bllokuara brenda poreve. Disa nga antibiotikët që përshkruhen janë , klindamicina, doksiciklina, eritromicina dhe tetraciklina. (8)
• Pas eleminimit të akneve, si i eleminojnë dermatologët shenjat që ngelen pas heqjes së tyre? Mund të rekomandohet një peeling për të eleminuar pikat e zeza ose shenjat; zakonisht peeling me acid glikolik. Peeling dhe trajtimet e tjera të akneve mund të rrisin ndjeshmërinë nga drita, ndaj duhet patjetër të mbroni lëkurën nga dielli. 

12 trajtimet për Aknet & shenjat e akneve që mund ti realizoni në shtëpi

Të gjithë kanë lëkurë të ndryshme, kështu që trajtimi i akneve në shtëpi kërkon një qasje multi-disiplinore. Trajtimet e mëposhtme për aknet mund të kombinohen më njëri-tjetrin për të dhënë një rezultat më të mirë.

Duhet të keni parasysh që gjatë trajtimit të akneve duhet të shmangni irritimin e lëkurës si dhe përkeqësimin e shënjave si më poshtë:

1. Ngacmimi i shenjave të akneve
2. Pastrimi më shumë seç duhet më kimikate dhe pastrues të rëndë
3. Besimi se vetëm një produkt mund të luftojë aknet
4. Duke mos i dhënë kohë lëkurës të adaptohet me produktin e ri
5. Dështim në hidratimin e duhur të lëkurës
6. Dështim në trajtimin e akneve së brendshmi dhe së jashtmi

1. Pastrimi me kujdes

Eleminimi i puçrrave, kokrrave të bardha dhe pikave të zeza me një pastrim të lehtë fytyre. Provoni Recetën me mjaltë për të pastruar lëkurën pa shkaktuar irritim. Përmban uthull molle, mjaltë, vaj kokosi, probiotikë dhe vaj esencial (prsh, vaji i pemës së çajit). Mjalti zbut lëkurën, vaji i kokosit lufton bakteret dhe kërpudhat, vaji i pemës së çajit forcon lëkurën dhe ka veti antinflamatore dhe antibakteriale. Lani fytyrën me ujë të ngrohtë, shplajeni mirë dhe thajeni. Aplikojeni  çdo mëngjes dhe darkë, si dhe nëse është e nevojshme, pas çdo aktiviteti fizik. Përdorimi më shumë seç duhet, mund të irritojë lëkurën dhe ta yndyrosë atë.

Nëse keni akne afër linjës së flokut, mund të jetë si pasojë e produkteve komerciale të flokut. Shampot, balsamet, spray-et për flokun dhe produkte të tjera, përmbajnë përbërës si  petroleum, paraben, silicon, sodium laureth sulphate sls, dhe kimikate të tjera që mund të shkaktojnë akne. Përdorni vetëm shampo bimore që nuk përmbajnë kimikatet e sipërpërmenduara, duke shmangur kështu shampot me kimikate të dëmshme duke i sjellë në këtë mënyrë edhe vitalitet flokut.

Ashtu si produktet për flokun, edhe makeup-i dhe produktet e tjera të kujdesit të lëkurës përmbajnë përbërës që shkaktojnë aknet. Përbërësit më të zakonshëm të tyre janë: lanolinë, vaj mineral, alumin, acetat retinil, alkool, oksibenzon, triklosan, paraben, polietilen, BHA dhe BHT dhe bazat formaldehide. Lexoni përbërjen e produktit për të shmangur këto kimikate.  

2. Ribalancimi i pH

Tonikët mund të përdoren pas pastrimit të lëkurës për ti sjellë asaj një pH natyral. Mund të përdorni uthull molle të pastër në darkë dhe në mëngjes. Uthulla e mollës përmban potasium, magnez, acid acetik dhe shumë enzima që eleminojnë bakteret në lëkurë. Ose mund të përdorni tonikë natyralë si ujë trëndafili, portokalli, hamamelis etj, por e rëndëshishme është të jenë totalisht natyrale, pa përmbajtje kimikatesh, dhe të çertifikuara Bio-Organike. Aknet kronike mund të shkaktohen si rezultat i përhapjes dhe rritjes së vazhdueshme të baktereve dhe fungeve në sipërfaqen e lëkurës. Me një tampon të vogël pambuku zbusni lëkurën, duke i kushtuar vëmendje më të madhe zonës aktive të puçrrave. 

3. Përdorni maska shëruese

Për të hidratuar dhe shëruar lëkurën, aplikoni maska disa herë në javë. Me kos, mjaltë, kanellë, vajra esencialë dhe përbërës të tjerë të cilët mund të përdoren për të përgatitur një maskë hidratuese dhe shëruese. Më poshtë do të rendisim dy maska të cilat mund ti përgatisni shumë lehtë në shtëpi për të trajtuar aknet:

• Maska me kos dhe mjaltë:

Përzieni 2 lugë çaji me mjaltë, dhe një lugë çaji me kos. Aplikojeni në fytyrë, duke pas kujdes linjën e flokut, zonën e nofullave dhe zonën me akne. Mbajeni për 10 minuta dhe me kujdes pastrojeni me një peshqir të lagur.

• Maska me kanellë dhe mjaltë:

Miksoni 2 lugë çaji mjaltë, një lugë çaji vaj kokosi dhe ½ lugë çaji kanellë e bluar imët. Vendoseni në fytyrë. Kujdes zonën e syve pasi kanella mund të shkaktojë irritime. Mbajeni për 5-10 minuta dhe hiqeni me një peshqir të njomë. Mjalti dhe kanella, të  miksuar së bashku luftojnë aknet, për shkak të vetive anti-inflamatore, antioksidative dhe antibakteriale.

Shtoni disa pika vaj peme çaji  tek secila nga maskat e mësipërme. Vaji i pemës së çajit konsiderohet si një trajtues shumë i mirë i akneve.

4. Aplikoni skrabin rregullisht (por me kujdes)

Poret e bllokuara dhe qelizat e vdekura kontribuojnë në shfaqjen e akneve. (9) Duhet të bëni skrab në mënyrë të rregullt në mënyrë që të shmagni krijimin e akneve, por duhet të keni kujdes pasi skrabet komerciale kanë përmbajtje kimike dhe mund të irritojnë lëkurën.

Ju mund ta realizoni shumë lehtë një skrab edhe në shtëpi. Si fillim ju duhet diçka e ashpër si kripë deti, sheqer ngjyrë kafe, si dhe tërshëra mund të jetë një zgjidhje shumë e mirë.
Ju nevojitet dhe bazë si: vaj kokosi, kefir dhe mjaltë. Këto baza luftojnë bakteret, funget dhe zhvillimin e kandidës në lëkurë ndërkohë që përbërësit e tjerë hapin poret dhe eleminojnë qelizat e vdekura nga lëkura.

Për të realizuar vetë një skrab, miksoni 2 lugë çaji me kripë ose sheqer me 1-2 lugë çaj nga bazat, sipas dëshirës. Aplikojeni në fytyrë duke e masazhuar në mënyrë rrethore. Filloni me ballin dhe me rradhë, duhet të keni kujdes zonat me probleme. Hiqeni masën me një peshqir të lagur dhe shplajeni fytyrën mirë.

5. Trajtoni njollat me vajin e pemës së çajit

Vaji i pemës së çajit përdoret si antiseptik dhe trajtues i plagëve. Ashtu si vaji i kokosit dhe mjalti, lufton bakteret dhe funget.

Studiuesit sugjerojnë se vaji i pemës së çajit mund të veprojë më ngadalë për disa individë, por duhet të jenë të duruar. Mund të krijoni vetë një përzierje me 4-8 pika vaj peme çaji dhe një lugë çaji vaj kokosi ose jojoba. Vendoseni në zonën me probleme. Në disa raste kjo përzierje mund të shkaktojë edhe djegie, në këtë rast duhet të ndaluar përdorimi i saj.

Ka dhe shumë përbërës të tjerë që mund të përdorni në lëkurë për të reduktuar inflamacionin, si vaji i kamomilit dhe aloe vera. Këto produkte mund t’ju shërbejnë shumë sidomos në rastet kur lëkura është mjaft sensitive ndaj produkteve që përmbajnë acid salicilik dhe peroksid benzoil.

6. Luftoni bakteret me borzilok

esencial i borzilokut lufton bakteret që shkaktojnë akne, sipas një studimi të publikuar në International Journal of Cosmetic Sciences. (11)

Vaji esencial i borzilokut, ose çaji Tulsi, rregullojnë sheqerin në gjak dhe balancojnë nivelin hormonal. Duke qënë se të dyja këto gjendje janë të lidhura me aknet, konsumimi i përditshëm i çajrave bimorë do të ndihmojë në balancimin hormonal në mënyrë natyrale dhe në eleminimin e akneve, duke e bërë këtë një trajtues shumë të mirë. Çaji i borzilokut mund të aplikohet në mënyrë lokale në lëkurë si tonik, duke e bërë kështu një tjetër trajtues që mund të realizohet në shtëpi.

7. Zbutës

Aknet duhet të zbuten, pasi aplikimet lokale e thajnë lëkurën, e hollojnë atë ose rrisin prodhimin e yndyrës dhe rikrijimin e poreve dhe akneve.

Cili është produkti më i mirë për aknet nëse keni lëkurë të thatë? Vaji i kokosit është një nga vajrat më të përdorur dhe më të shëndetshëm. Edhe pse mund të jetë pak i rëndë, vaji i kokosit është një zbutës i mrekullueshëm. Sipas një studimi në Biomaterialsu u gjend se acidi laurik i gjendur në vajin e kokosit ka një aktivitet të fuqishëm antibakterial. (12) Ka një kërkesë të lartë për vaj kokosi në produktet e bukurisë, për shkak të acidit laurik dhe antioksidantëve, pasi hidratojnë dhe rigjenerojnë lëkurën dhe flokun.  

Për të bërë një zbutës në shtëpi të nevojiten ¼ lugë çaji vaj kokosi. Aplikojeni direkt në fytyrë dhe gushë. Do të zbusë menjëherë lëkurën tuaj. Lëreni 5 minuta që lëkura ta thithë vajin dhe me një peshqir të lagur hiqni me kujdes tepricën e vajit. Sasia e nevojshme është absorbuar nga lëkura.

8. Shmagni ekspozimin e gjatë në diell

Gjatë fazës aktive të akneve duhet të mbroni lëkurën ndaj ekspozimit në diell. Rrezet ultraviolet stimulojnë pigmentimin e lëkurës, duke rritur kështu mundësinë për shenja pas akneve. (13) Mënyra më e mirë për të mbrojtur lëkurën është ekspozimi për 15-20 minuta në ditë në diell.

Mbrojtësit komercialë ndaj diellit janë të pasur me kimikate që edhe mund ta irritojnë lëkurën e ndjeshme dhe atë me akne. Hulumtuesit pohojnë se vaji i kokosit ka një SPF 8, po ashtu edhe vaji i ullirit. (14) Aplikoni një sasi të vogël vaji çdo 2 orë dhe shmagni ekspozimin në diell në oraret ku dielli është më i fortë (10⁰⁰-15⁰⁰). 

9. Merrni suplemente probiotike/prebiotike

Mos harroni, eleminimi i akneve kërkon trajtim së brendshmi dhe së jashmti. Probiotikët dhe prebiotikët ndihmojnë në shëndetin e sistemit tretës dhe sistemin imunitar, plus përmirësojnë shëndetin e lëkurës duke luftuar aknet. Sipas një studimi të publikuar në Dermatology Online Journal, hulumtuesit rekomandojnë marrjen e ushqimeve të pasur me probiotikë dhe prebiotikë ose suplementeve, duke i bërë trajtues për aknet. (15) Studimi pohon se përdorimi i këtyre suplementeve përmirëson shëndetin e zorrëve dhe lufton aknet.

10. Përdorni Guggul

Për ata që vuajnë nga cistet si pasojë e akneve, u realizua një studim klinik me suplementin Guggul i cili rezultoi më efektiv se përdorimi i 500 mg tetraciklinë. (16) Në studim, 25 mg guggulsterone i marrë dy herë në ditë për 3 muaj, rezultoi me një reduktim të akneve. Hulumtuesit vunë re se pacientët me lëkurë të yndyrshme reaguan më mirë ndaj suplementit guggul sesa pacientët e tjerë.  

11. Hani shëndetshëm

Ka prova se marrja e një diete të varfër glicemike që nuk përfshin produktet e përpunuara dhe sheqerin, është një nga trajtuesit dhe parandaluesit më të mirë për aknet.

Në 2007, një studim i publikuar në American Journal of Clinical Nutrition zbuloi se glicemia mund të ndikojë tek aknet. 43 meshkuj me akne, mosha 15-25, u ndanë në dy grupe. Për 12 javë, një grup konsumoi një dietë 25 % proteina dhe 45 % karbohidrate të varfra në sheqerna. Grupi tjetër konsumoi karbohidrate pa ndonjë kontrroll të indeksit glicemik. Në fund të studimit u pa se në grupin e parë kishtë një reduktim të akneve dyfish më shumë se në grupin e dytë. (17)

Duhet patur një kujdes të vecantë për mënyrën e ushqyerjes. Më poshtë janë renditur disa këshilla për një dietë anti-akne:

• Konsumoni ushqime jeshile, dhe ushqime të pasura me proteina të pastra.
• Rrisni përdorimin e peshkut të egër, mishit nga kafshë dhe pula  të ushqyera në natyrë.
• Yndyrnat e shëndetshme janë esenciale për një shëndet sa më të mirë të lëkurës dhe për të trajtuar aknet, kështu që konsumoni ushqime të pasura më omega-3 si peshku i egër dhe salmon.
• Shtoni ushqime të pasura me zink si kefiri, kosi, mishi i qengjit, fara kungulli dhe pulë. Sipas një studimi të publikuar në BioMed Research International, ka lidhje midis nivelit të ulët të zinkut dhe krijimit të akneve. (18)
• Konsumoni ushqime të pasura me fibra, pasi fibrat e gjendura në perime, fruta, fruta të thata dhe fara pastrojnë zorrët dhe stimulojnë rritjen e baktereve të mira në zorrë.
• Shtoni ushqime të pasura me vitaminë A  në dietën tuaj, si spinaq, karota dhe mëlçi viçi.

Ushqimet që duhet të shmagni janë: vajrat e hidrogjenizuara, gluteni, sheqerin, grurin dhe derivatet e përpunuara të qumështit.

• Nëse preferoni qumështin në mëngjes, rekomandohet konsumimi i qumështit të dhisë pasi studiuesit kanë zbuluar se produktet e përpunuara të qumështit shkaktojnë akne. (19) Duhet të përjashtoni produktet që mund t’ju shkaktojnë alergji apo hipersensibilitet si ushqimet e pasura me gluten, sojë, kikirikët dhe butakët.
• Sheqeri dhe ushqimet e pasura me karbohidrate.  Konsumi i këtyre produkteve mund t’ju japë myk ose candida, si dhe krijimin e akneve.
• Gluteni dhe drithërat. Këto produkte japin inflamacion të zorrëve duke çuar kështu edhe në probleme të lëkurës.
• Çokollata.është një komponent i cili i përkeqëson aknet. Eleminoni plotësisht konsumin e saj dhe nëse nuk mundeni sigurohuni që çokollata të jetë e zezë dhe e pastër.
• Ushqime të skuqura dhe fast food. Këto ushqime përmbajnë një sasi shumë të madhe përbërësish që shkaktojnë inflamacion si psh. vaj të hidrogjenizuar, sodium, kimikate, konservantë dhe sheqer.
• Vajra të hidrogjenizuar. Shkaktojnë yndyrosje të lëkurës dhe janë një nga shkaqet e akneve. Ky vaj mund të gjendet tek picat dhe në ushqime të paketuara që përmbajnë vaj soje, vaj misri, vaj vegjetal dhe vaj kanola.

12. Përdorni vajra esencialë për të eleminuar shenjat e akneve

Nëse keni pasur probleme me aknet në të shkuarën, atëherë jeni duke vrarë mendjen sesi të eleminoni shenjat që ato kanë lënë pas. Trajtimi i shenjave të akneve kërkon durim dhe këmbëngulje. Sa më shpejt të bëhet trajtimi i shenjave, aq më i shpejtë dhe i mirë do të jetë rezultati. Këshilla më e rëndësishme që s’duhet ta neglizhoni është që, gjatë fazës aktive, aknet nuk duhet të ngacmohen!

Pas plasjes së një akne, shmagni ekspozimin në diell pasi mund të përkeqësojë shenjën. Kur jeni në diell, përdorni mbrojtës natyral për të mbrojtur lëkurën. Vendosni 1 pikë vaj rosehip ose vaj karrote tek shenja dy herë në ditë derisa shenja të zhduket.

Vaji i kokosit, vaji esencial i livandos, mjalti dhe aplikimi i skrabit mund të parandalojë krijimin e shenjave. Si trajtues natyral i akneve mund të përgatisni një pastë më mjaltë, vaj livando, vaj peme çaji dhe vaj temjani.

Kujdes!

Aknet disa herë mund të largohen vetë, sidomos kur jeni adoleshent ose në një periudhë stresuese. Por nëse po vuani nga akne cistike, duhet të konsultoheni me një mjek.

Nëse kistet janë të mëdha, të inflamuara dhe të dhimbshme mund të kenë shkak një problem shëndetësor si PCOS, probleme me tiroidet etj. Konsultohuni me një doktor për shkakun e daljes së akneve dhe mënyrën e trajtimit të tyre.

Lexo dhe: TRAJTIMI I AKNEVE ME VAJRA ESENCIALË DHE RECETA NË KUSHTET E SHTËPISË.